தவறவிடாதீர்கள்..!உடனே பதிவு செய்யுங்கள்

சர்வதேச தரமிக்க நட்சத்திர நடிகரான தனுஷ் எழுதி, இயக்கி நடித்திருக்கும் 'இட்லி கடை' எனும் திரைப்படத்தின் வெளியீட்டு திகதி அதிகாரப்பூர்வமாக பிரத்யேக புகைப்படத்துடன் அறிவிக்கப்பட்டிருக்கிறது.  

நடிகரும், இயக்குநருமான தனுஷ் இயக்கத்தில் உருவாகி வரும் 'இட்லி கடை' எனும் திரைப்படத்தில் தனுஷ், நித்யா மேனன், ஷாலினி பாண்டே உள்ளிட்ட பலர் நடித்து வருகிறார்கள் .  

கிரண் கௌஷிக் ஒளிப்பதிவு செய்து வரும் இந்த திரைப்படத்திற்கு ஜீ. வி. பிரகாஷ் குமார் இசையமைக்கிறார்.   

இந்தத் திரைப்படத்தை வுண்டர்பார் ஃபிலிம்ஸ் மற்றும் டான் பிக்சர்ஸ் ஆகிய நிறுவனங்கள் சார்பில் தயாரிப்பாளர்கள் ஆகாஷ் பாஸ்கரன் மற்றும் தனுஷ் ஆகியோர் இணைந்து தயாரிக்கிறார்கள்.  

இந்த திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில்  இப்படத்தின் வெளியீடு குறித்த அதிகாரப்பூர்வமான அறிவிப்பு வெளியிடப்பட்டிருக்கிறது.  

அந்த வகையில் இந்த திரைப்படம் அடுத்த ஆண்டு ஏப்ரல் மாதம் பத்தாம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கிறது.    

அடுத்த ஆண்டு தமிழ் புத்தாண்டு தின விடுமுறையை குறி வைத்து இப்படத்தின் வெளியீடு அறிவிக்கப்பட்டிருப்பதாக திரையுலக வணிகர்கள் தெரிவித்திருக்கிறார்கள்.