தவறவிடாதீர்கள்..!உடனே பதிவு செய்யுங்கள்

தென்னிந்திய திரையுலகின் முன்னணி நட்சத்திர நடிகையான அனுஷ்கா கதையின் நாயகியாக முதன்மையான கதாபாத்திரத்தில் நடித்திருக்கும் 'Ghatti' என ஆங்கிலத்தில் பெயரிடப்பட்டிருக்கும் திரைப்படத்தின் முதல் தோற்றப் பார்வை வெளியிடப்பட்டிருக்கிறது.

சிலம்பரசன் -அனுஷ்கா நடிப்பில் தமிழில் வெளியான 'வானம்' எனும் திரைப்படத்தை இயக்கிய இயக்குநர் கிரிஷ் இயக்கத்தில் உருவாகி இருக்கும் 'Ghatti' எனும் திரைப்படத்தில் அனுஷ்கா கதையின் நாயகியாக முதன்மையான  வேடத்தில் நடித்திருக்கிறார்.

இவருடன் ரம்யா கிருஷ்ணன், ஜெகபதி பாபு , விக்ரம் பிரபு,  ரவீந்திர விஜய்,  ஜான் விஜய் , வி டி வி கணேஷ் உள்ளிட்ட பலர் நடித்திருக்கிறார்கள். மனோஜ் ரெட்டி ஒளிப்பதிவு செய்திருக்கும் இந்த திரைப்படத்திற்கு நாகவல்லி வித்யாசாகர் இசையமைத்திருக்கிறார். 

எக்சன் திரில்லர் ஜேனரிலான இந்த திரைப்படத்தை ஃபர்ஸ்ட் ஃபிரேம் என்டர்டெய்ன்மென்ட் எனும் நிறுவனம் சார்பில் தயாரிப்பாளர்கள் ராஜீவ் ரெட்டி மற்றும் சாய் பாபு ஆகியோர் இணைந்து தயாரித்திருக்கிறார்கள். இந்தத் திரைப்படத்தை யு வி கிரியேசன்ஸ் நிறுவனம் வழங்குகிறது.

நடிகை அனுஷ்காவின் பிறந்த நாளை முன்னிட்டு, இப்படத்தில் அவர் ஏற்றிருக்கும் கதாபாத்திரத்தின் தோற்ற பார்வையை படக் குழுவினர் வெளியிட்டிருக்கிறார்கள்.

ரத்தம் தோய்ந்த முகத்துடன் அவரின் தோற்றம் வித்தியாசமாக வடிவமைக்கப்பட்டிருப்பதால் ரசிகர்களிடம் பெரும் வரவேற்பினை பெற்றிருக்கிறது. மேலும் படத்தின் தலைப்புடன் விக்டிம் - கிரிமினல் - லெஜண்ட் - என்ற வாசகமும் இடம் பிடித்திருப்பதால் படத்தைப் பற்றிய எதிர்பார்ப்பும் எகிறி இருக்கிறது.