தவறவிடாதீர்கள்..!உடனே பதிவு செய்யுங்கள்

இராகலை பொலிஸ் பிரிவுக்கு உட்பட்ட கந்தபளை கொங்கொடியா பகுதியில்  இடம்பெற்ற விபத்தில் ஒருவர் உயிரிழந்துள்ளதுடன் ஆறு பேர் காயமடைந்துள்ளதாக இராகலை பொலிஸார் தெரிவித்தனர்.

இந்த விபத்து இன்று (08) வெள்ளிக்கிழமை காலை இடம்பெற்றுள்ளது.

கந்தப்பளை பிரதான நகரிலிருந்து கொங்கோடியா பகுதிக்கு மரக்கறிகளை ஏற்றிச்சென்ற டிப்பர் லொறியொன்று பாதையை விட்டு விலகி சுமார் 30 அடி பள்ளத்தில் விழுந்து  விபத்துக்குள்ளாகியுள்ளதாக பொலிஸார் தெரிவித்தனர்.

விபத்தில் 43 வயதான ஒருவரே உயிரிழந்துள்ளதாகவும் விபத்தில் காயமடைந்த 6 பேரும் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாகவும் தெரிவித்தனர் .

இது தொடர்பான மேலதிக விசாரணைகளை இராகலை பொலிஸார்  மேற்கொண்டு வருகின்றனர்.