தவறவிடாதீர்கள்..!உடனே பதிவு செய்யுங்கள்

பாதுக்கை, துன்னான பிரதேசத்தில் உள்ள தோட்டம் ஒன்றில் இன்று வியாழக்கிழமை (07) பிற்பகல் நிர்வாணமான நிலையில் பெண்ணொருவர் சடலமாக மீட்கப்பட்டுள்ளதாக பாதுக்கை பொலிஸார் தெரிவித்தனர். 

கொட்டாவை, பன்னிபிட்டிய பிரதேசத்தைச் சேர்ந்த 67 வயதுடைய பெண்ணொருவரே சடலமாக மீட்கப்பட்டுள்ளார்.

சடலமாக மீட்கப்பட்ட பெண், குடும்ப நிகழ்வு ஒன்றில் கலந்து கொள்வதற்காக பாதுக்கை பிரதேசத்திற்குச் சென்றுள்ள நிலையில் தனது உறவினர் ஒருவரின் வீட்டில் தங்கியிருந்துள்ளதாக பொலிஸார் தெரிவித்தனர்.

இதன்போது, சடலமாக மீட்கப்பட்ட பெண் தனது உறவினரின் வீட்டிலிருந்து வெளியே சென்றுள்ள நிலையில் மீண்டும் வீடு திரும்பாததால் அவரது உறவினர்கள் இது தொடர்பில் பொலிஸ் நிலையத்தில் முறைப்பாடு அளித்துள்ளதாக பொலிஸார் மேலும் தெரிவித்தனர். 

இது தொடர்பான மேலதிக விசாரணைகளை பாதுக்கை பொலிஸார் மேற்கொண்டு வருகின்றனர்.