தவறவிடாதீர்கள்..!உடனே பதிவு செய்யுங்கள்

ஹங்வெல்ல பொலிஸ் பிரிவுக்கு உட்பட்ட எம்புல்கம - பனாகொடை வீதியில் இடம்பெற்ற விபத்தில் இளைஞன் ஒருவன் உயிரிழந்துள்ளதாக ஹங்வெல்ல பொலிஸார் தெரிவித்தனர்.

இந்த விபத்து நேற்று புதன்கிழமை (06) மாலை இடம்பெற்றுள்ளது. 

பனாகொடையிலிருந்து எம்புல்கம நோக்கிப் பயணித்த லொறி ஒன்று வீதியின் இடது பக்கமாகத் திரும்ப முயன்ற போது மோட்டார் சைக்கிள் ஒன்றுடன் மோதியதில் மோட்டார் சைக்கிளானது வீதியை விட்டு விலகிக் கவிழ்ந்து விபத்துக்குள்ளாகியுள்ளது.

இந்த விபத்தின் போது மோட்டார் சைக்கிளின் செலுத்துனரும் பின்புறத்தில் அமர்ந்திருந்த இளைஞனும் படுகாயமடைந்துள்ள நிலையில் ஹோமாகம வைத்தியசாலையில் அனுமதிக்கப்பட்ட பின்னர் பின்புறத்தில் அமர்ந்திருந்த இளைஞன் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.

உயிரிழந்தவர் ருவன்வெல்ல பிரதேசத்தைச் சேர்ந்த 20 வயதுடைய இளைஞன் ஆவார். 

இதனையடுத்து, லொறியின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.

இது தொடர்பான மேலதிக விசாரணைகளை ஹங்வெல்ல பொலிஸார் மேற்கொண்டு வருகின்றனர்.