தவறவிடாதீர்கள்..!உடனே பதிவு செய்யுங்கள்

'உலகநாயகன்' கமல்ஹாசனின் 70 ஆவது பிறந்த நாளை முன்னிட்டு, நவம்பர் 7 ஆம் திகதியன்று அவர் நடித்து வரும் 'தக் லைஃப்' படத்தின் பிரத்யேக காணொளி வெளியிடப்படுகிறது.

இயக்குநர் மணிரத்னம் இயக்கத்தில் உருவாகி வரும் 'தக் லைஃப்' எனும் திரைப்படத்தில் கமல்ஹாசன், சிலம்பரசன், திரிஷா, அசோக் செல்வன், பாசில் அலி, பங்கஜ் திருபாதி, ஜோஜு ஜார்ஜ் , நாசர், அபிராமி, ஐஸ்வர்யா லட்சுமி, சானியா மல்ஹோத்ரா, ஜிஸு சென் குப்தா, வையாபுரி உள்ளிட்ட பலர் நடிக்கிறார்கள்.

ரவி கே. சந்திரன் ஒளிப்பதிவு செய்து வரும் இந்த திரைப்படத்திற்கு இசைப்புயல் ஏ ஆர் ரஹ்மான் இசையமைக்கிறார். கேங் ஸ்டர் பின்னணியில் எக்சன் என்டர்டெய்னராக தயாராகும் இந்த திரைப்படத்தை ராஜ்கமல் ஃபிலிம் இன்டர்நேஷனல் - மெட்ராஸ் டாக்கீஸ்-  ரெட் ஜெயன்ட் மூவிஸ் - ஆகிய நிறுவனங்கள் இணைந்து தயாரித்து வருகிறது.

இந்த திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இப்படத்தின் நாயகனான 'உலக நாயகன்' கமல்ஹாசனின் 70 ஆவது பிறந்த நாளை முன்னிட்டு, நவம்பர் மாதம் ஏழாம் திகதியன்று காலை 11:00 மணி அளவில் அவர் தோன்றும் கதாபாத்திரத்தின் காணொளி  வெளியிடப்படுகிறது. 

'நாயகன்' திரைப்படத்திற்கு பிறகு மீண்டும் மணிரத்னம் இயக்கத்தில் கமல்ஹாசன் நடித்திருப்பதால் 'தக் லைஃப்' படத்தின் மீதான எதிர்பார்ப்பு உலக அளவில் அதிகரித்திருக்கிறது.