தவறவிடாதீர்கள்..!உடனே பதிவு செய்யுங்கள்

பூஸா சிறைச்சாலையில் தடுத்து வைக்கப்பட்டுள்ள பாதாள உலக கும்பலைச் சேர்ந்த “ஒலுமரா” என்பவரின் சிறைக் கூண்டிலிருந்து கையடக்கத் தொலைபேசி உட்பட பல்வேறு பொருட்கள் நேற்று திங்கட்கிழமை (04) கைப்பற்றப்பட்டுள்ளதாக பொலிஸ் விசேட அதிரடிப்படையினர் தெரிவித்தனர். 

பொலிஸ் விசேட அதிரடிப்படையினருக்குக் கிடைத்த தகவலின் பேரில் பாதாள உலக கும்பலைச் சேர்ந்த “ஒலுமரா” என்று அழைக்கப்படும் “ரணவிர ஆரச்சிகே ஷானுக மதுஷான் ” என்பவரின் சிறைக் கூண்டில் மேற்கொள்ளப்பட்ட சோதனையின் போதே இந்த பொருட்கள் கைப்பற்றப்பட்டுள்ளன.

இதன்போது, “ஒலுமரா” வின் சிறைக் கூண்டில் மிகவும் சூட்சுமமான முறையில் மறைத்து வைக்கப்பட்டிருந்து கையடக்கத் தொலைபேசி, 02 சிம் அட்டைகள் மற்றும் பல்வேறு தொலைபேசி உதிரிப்பாகங்கள் என்பன கைப்பற்றப்பட்டுள்ளதாக பொலிஸ் விசேட அதிரடிப்படையினர் மேலும் தெரிவித்தனர்.