தவறவிடாதீர்கள்..!உடனே பதிவு செய்யுங்கள்

பொலன்னறுவை, செவனபிட்டிய பிரதேசத்தில் காட்டு யானை தாக்கி மூதாட்டி ஒருவர் உயிரிழந்துள்ளதாக மனம்பிட்டிய பொலிஸார் தெரிவித்தனர். 

இந்த சம்பவம் இன்று திங்கட்கிழமை (04) அதிகாலை இடம்பெற்றுள்ளது.

உயிரிழந்தவர் பொலன்னறுவை, செவனபிட்டிய பிரதேசத்தைச் சேர்ந்த 71 வயதுடைய மூதாட்டி ஆவார்.

இது தொடர்பில் தெரியவருவதாவது, 

உயிரிழந்த மூதாட்டி தனது வீட்டிற்கு அருகில் சிறிய கடை ஒன்றை நடத்தி வந்துள்ள நிலையில் சம்பவத்தன்று தனது கடையில் உறங்கிக் கொண்டிருந்துள்ளார்.

இதன்போது கடையை உடைத்துக் கொண்டு உள்நுழைந்த காட்டு யானை ஒன்று இந்த மூதாட்டியை பலமாக தாக்கியுள்ளது.

காயமடைந்த மூதாட்டி சம்பவ இடத்திலேயே உயிரிழந்துள்ளதாக பொலிஸார் தெரிவித்தனர்.