தவறவிடாதீர்கள்..!உடனே பதிவு செய்யுங்கள்

எம்மில் சிலருக்கு உடலின் வெப்பநிலை இயல்பான நிலையிலிருந்து அதிகரித்து காய்ச்சல் பாதிப்பு ஏற்படும். இத்தகைய காய்ச்சல் பாதிப்பு நான்கு நாட்களுக்குப் பிறகு பொதுவாக சீரடையும். 

சிலருக்கு நான்கு நாட்களுக்குப் பிறகும், உடல் வெப்பநிலை சீரடையாமல் தொடர்ந்து இரண்டு வாரத்திற்கு மேலாக நீடித்தால் அவை கடுமையான காய்ச்சல் பாதிப்பு என அவதானிக்கலாம். இதனை மருத்துவ மொழியில் அக்யூட் ஃபைபிரல் இல்னஸ் என்று குறிப்பிடுகிறார்கள்.

காய்ச்சல் ஏற்பட்டு இயல்பான நுண்ணுயிர் எதிர்ப்பி மருந்துகளுக்கு கட்டுப்படாமல் காய்ச்சல் நீடிப்பது, தோலில் தடிப்புகள், ரத்தக் கசிவுகள் , மஞ்சள் காமாலை அறிகுறி,  மூட்டு வலி, டைபாய்டு காய்ச்சல் போன்ற அறிகுறிகள் இருந்தால் அதனை வைத்தியர்கள் கடுமையான காய்ச்சல் என குறிப்பிட்டு இதனை உறுதிப்படுத்திக் கொள்ள சில பரிசோதனைகளை  பரிந்துரைக்கிறார்கள்.

பருவநிலை மாற்றம், உடல் நோய் எதிர்ப்பு திறனில் சமச்சீரின்மை, வைரஸ் தொற்று பாதிப்பு போன்ற பல்வேறு காரணங்களால் ஏற்படும் இத்தகைய கடுமையான காய்ச்சல் பாதிப்பை துல்லியமாக அவதானிக்க ராப்பிட் டயக்னாஸ்டிக் டெஸ்ட் , எலிசா டெஸ்ட் , பி சி ஆர் டெஸ்ட் , ஆகிய பரிசோதனைகளை மேற்கொள்ள வேண்டும் என பரிந்துரைப்பார்கள். 

இத்தகைய பரிசோதனையின் முடிவிற்கு பிறகு உங்களுக்கு ஏற்பட்டிருக்கும் பாதிப்பினை துல்லியமாக அவதானித்து, அதற்கு ஏற்ற நவீன மருத்துவ தொழில்நுட்பங்களால் கண்டறியப்பட்டிருக்கும் பிரத்யேக மருந்தியல் சிகிச்சைகளை வழங்கி முழுமையான நிவாரணத்தை அளிப்பார்கள். 

இத்தகைய பாதிப்பு மீண்டும் ஏற்படாமல் இருப்பதற்கு சில வாழ்க்கை நடைமுறை மாற்றங்களையும் வைத்தியர்கள் பரிந்துரைக்கக்கூடும்.

வைத்தியர் ஸ்ரீ தேவி

தொகுப்பு அனுஷா.