தவறவிடாதீர்கள்..!உடனே பதிவு செய்யுங்கள்

நாட்டில் இரு வெவ்வேறு பகுதிகளில் மேற்கொள்ளப்பட்ட சுற்றிவளைப்பு நடவடிக்கையின் போது சட்டவிரோத சிகரட்டுகளுடன் இரண்டு சந்தேக நபர்கள் நேற்று ஞாயிற்றுக்கிழமை (03) கைது செய்யப்பட்டுள்ளதாக பொலிஸ் விசேட அதிரடிப்படையினர் தெரிவித்தனர்.

அதன்படி, ஜா - எல பொலிஸ் பிரிவுக்கு உட்பட்ட பகுதியில் ஆயிரம் சட்டவிரோத சிகரட்டுகளுடன் சந்தேக நபரொருவர் கைது செய்யப்பட்டுள்ளார்.

கைதுசெய்யப்பட்டவர் மடுல்சீமை பிரதேசத்தைச் சேர்ந்த 23 வயதுடையவர் ஆவார். 

இதனையடுத்து, சந்தேக நபர் மேலதிக விசாரணைகளுக்காக ஜா - எல பொலிஸ் நிலையத்தில் ஒப்படைக்கப்பட்டுள்ளார்.

இதேவேளை, பொலன்னறுவை, ஹிங்குரக்கொட பொலிஸ் பிரிவுக்கு உட்பட்ட பகுதியில் 2,018 சட்டவிரோத சிகரட்டுகளுடன் சந்தேக நபரொருவர் கைது செய்யப்பட்டுள்ளார்.

கைதுசெய்யப்பட்டவர் ஹிங்குரக்கொட பிரதேசத்தைச் சேர்ந்த 53 வயதுடையவர் ஆவார். 

இதனையடுத்து, சந்தேக நபர் மேலதிக விசாரணைகளுக்காக ஹிங்குரக்கொட பொலிஸ் நிலையத்தில் ஒப்படைக்கப்பட்டுள்ளார்.