தவறவிடாதீர்கள்..!உடனே பதிவு செய்யுங்கள்

இலங்கை சிவில் விமான சேவைகள் அதிகார சபையின் புதிய தலைவராக நியமிக்கப்பட்ட சுனில் ஜயரத்ன கட்டுநாயக்கவில் உள்ள தலைமை அலுவலகத்தில் இன்று திங்கட்கிழமை (04) தனது பணிகளை பொறுப்பேற்றார்.

இதன்போது, இலங்கை சிவில் விமான சேவைகள் அதிகார சபையின் பணிப்பாளர் நாயகம், ஓய்வுபெற்ற எயார் வைஸ் மார்ஷல் சாகர கொடகதெனிய மற்றும் ஏனைய அதிகாரிகள் கலந்துகொண்டனர்.

சுனில் ஜயரத்ன இலங்கை சுங்கத் திணைக்களத்தின் மேலதிக பணிப்பாளர் நாயகமாக 37 வருடங்கள் கடமையாற்றியுள்ளதுடன் மூன்றரை வருடங்கள் சுங்க ஊடகப் பேச்சாளராகவும் கடமையாற்றியுள்ளார்.

இதேவேளை, சுனில் ஜயரத்ன ஸ்ரீ ஜயவர்தனபுர பல்கலைக்கழகம் மற்றும் அவுஸ்திரேலியாவின் கான்பரா பல்கலைக்கழகத்தில் சுங்க சட்டம் மற்றும் முகாமைத்துவம் ஆகியவை தொடர்பில் முதுகலைப் பட்டம் பெற்றவர் என்பது குறிப்பிடத்தக்கது.