தவறவிடாதீர்கள்..!உடனே பதிவு செய்யுங்கள்

இதன் பின்னிணியில் சதித்திட்டம் இருக்குமென நாம் கருதவில்லை. ஆனால் இந்த விவகாரத்தை கையாளுவதற்கு அரசாங்கத்திடம் எந்தவொரு முறையான திட்டமிடலும் இருக்கவில்லை. தேசிய பாதுகாப்பு தொடர்பில் அரசாங்கம் அவதானம் செலுத்துவதில் காணப்படும் பலவீனமே இதனைக் காண்பிக்கிறது. இதுவரையில் தேசிய பாதுகாப்பு ஆலோசகர் ஒருவர் நியமிக்கப்படவில்லை. அதேபோன்று கர்தினாலுடைய கோரிக்கையின் பேரில் அரச புலனாய்வு பிரிவின் பணிப்பாளரும் திடீரென மாற்றப்பட்டுள்ளார். இது வாகனத்தின் சாரதியொருவரை மாற்றுவதைப் போன்று இலகுவான விடயமல்ல. இது தேசிய பாதுகாப்புடன் தொடர்புடைய பொறுப்பாகும். அந்த பொறுப்பை உரிய முறையில் நிறைவேற்ற வேண்டும். ஆனால் கர்தினாலின் கோரிக்கைக்கமைய ஒரே இரவில் ஜனாதிபதியால் புலனாய்வு பிரிவின் பணிப்பாளர் மாற்றப்பட்டுள்ளார். இதனால் தேசிய பாதுகாப்புக்கு பெரும் அச்சுறுத்தல் ஏற்பட்டுள்ளது. அதுவே அருகம்பே சம்பவத்துக்கு பிரதான காரணியாக அமைந்தது என்று நான் எண்ணுகின்றேன்.