தவறவிடாதீர்கள்..!உடனே பதிவு செய்யுங்கள்

பதுளை, பசறை,  லுணுகலை வீதியில் 13 ஆம் கட்டை பகுதியில் மோட்டார் சைக்கிளும் முச்சக்கர வண்டியும் மோதி விபத்துக்குள்ளானதில் ஒருவர் படுகாயமடைந்து பசறை வைத்தியசாலையில் அனுமதிக்கப்பட்டுள்ளதாக  பசறை பொலிஸார் தெரிவித்தனர். 

40 வயதுடைய தெய்கிந்தகம பகுதியை சேர்ந்த நபர் ஒருவரே காயமடைந்துள்ளதாக பொலிஸார் தெரிவித்தனர். 

பசறை நகரிலிருந்து லுணுகலை நோக்கிப் பயணித்த மோட்டார் சைக்கிளும்  லுணுகலையிலிருந்து பசறை நோக்கிப் பயணித்த முச்சக்கர வண்டியுமே இவ்வாறு மோதி விபத்துக்குள்ளானதாகத் தெரிவிக்கப்படுகிறது. 

காயமடைந்த நபர் பசறை வைத்தியசாலையில் அனுமதிக்கப்பட்டதன் பின்னர் மேலதிக சிகிச்சைக்காக பதுளை பொது வைத்தியசாலைக்கு மாற்றப்பட்டுள்ளதாக வைத்தியசாலையில் அதிகாரி ஒருவர் தெரிவித்தார். 

இது தொடர்பான மேலதிக விசாரணைகளை பசறை போக்குவரத்து பொலிஸார் மேற்கொண்டு வருவதாக பொலிஸார் தெரிவித்தனர்.