தவறவிடாதீர்கள்..!உடனே பதிவு செய்யுங்கள்

மகுலுகஸ்வெவ பொலிஸ் பிரிவுக்கு உட்பட்ட அளுத்வெவ பிரதேசத்தில் வெடிபொருட்களுடன் சந்தேக நபரொருவர் நேற்று செவ்வாய்க்கிழமை (29) பிற்பகல் கைது செய்யப்பட்டுள்ளதாக மகுலுகஸ்வெவ பொலிஸார் தெரிவித்தனர். 

மகுலுகஸ்வெவ பொலிஸாருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.

மெல்சிறிபுர பிரதேசத்தில் வசிக்கும் 45 வயதுயை நபரே கைது செய்யப்பட்டுள்ளார்.

சந்தேக நபரிடமிருந்து 341 கிராம் 40 மில்லிகிராம் அம்மோனியம் நைட்ரேட்டு மற்றும் 04 ஜெலட்நைட் குச்சிகள் மற்றும் 02 டெட்டனேட்டர் குச்சிகள் உள்ளிட்ட பல்வேறு வெடிபொருட்கள் கைப்பற்றப்பட்டுள்ளதாக பொலிஸார் தெரிவித்தனர்.

இது தொடர்பான மெலதிக விசாரணைகளை மகுலுகஸ்வெவ பொலிஸார் மேற்கொண்டு வருகின்றனர்.