தவறவிடாதீர்கள்..!உடனே பதிவு செய்யுங்கள்

மதவாச்சி பொலிஸ் பிரிவுக்குட்பட்ட கனதராவ பிரதேசத்தில் ஐஸ் போதைப்பொருளை வைத்திருந்த  இளைஞர் ஒருவர் கைது செய்யப்பட்டுள்ளதாக பொலிஸார் தெரிவித்தனர்.

செட்டிகுளம் பொலிஸ் விசேட அதிரடிப்படையினருக்கு குழுவிற்கு கிடைத்த இரகசிய தகவலின் பேரில் மேற்கொண்ட சுற்றிவளைப்பின் போது இவர் நேற்று புதன்கிழமை (23) கைது செய்யப்பட்டுள்ளார்.

கைது செய்யப்பட்ட  இளைஞர் 25 வயதுடைய மதவாச்சி பிரதேசத்தை சேர்ந்தவர் ஆவார்.

கைது செய்யப்பட்டவரிடம் இருந்து 02 கிராம் 800 மில்லிகிராம் ஐஸ் போதைப்பொருள் பொலிஸாரால் கைப்பற்றப்பட்டுள்ளது.

இதேவேளை, கைது செய்யப்பட்ட சந்தேக நபர் மேலதிக விசாரணைகளுக்காக மதவாச்சி பொலிஸ் நிலையத்தில் ஆஜர்படுத்தப்பட்டுள்ளார்.

இது தொடர்பாக மேலதிக விசாரணைகளை மதவாச்சி பொலிஸார் மேற்கொண்டு வருகின்றனர்.