தவறவிடாதீர்கள்..!உடனே பதிவு செய்யுங்கள்

மாத்தறை, அக்குரஸ்ஸ நகரத்தில் அமைந்துள்ள வர்த்தக நிலையத்திற்கு அருகில் உள்ள பழைய கட்டிடம் ஒன்றின்  கூரை உடைந்து வீழ்ந்து ஒருவர் சம்பவ இடத்திலேயே உயிரிழந்துள்ளதாக பொலிஸார் தெரிவித்தனர்.

மாத்தறை கதிரத்தஹேன பகுதியைச் சேர்ந்த 54 வயதுடைய ஹேவா பெட்டகே ரஜித் பிரியந்த என்பவரே உயிரிழந்துள்ளார்.

இது தொடர்பில் தெரியவருவதாவது, 

அக்குரஸ்ஸ நகரத்தில் அமைந்துள்ள  பழைய கட்டிடம் ஒன்றின் இரண்டாவது மாடியின் கொன்கிரீட் தளத்தை அகற்றும் பணியில் இருவர் ஈடுபட்டிருந்துள்ளனர்.

அவர்களில் ஒருவரின் தலையில் கூரையின் ஒரு பகுதி உடைந்து வீழ்ந்துள்ள நிலையில் சுவரின் ஒரு பகுதியும் இடிந்து வீழ்ந்துள்ளது.

படுகாயமடைந்த நபர் சம்பவ இடத்திலேயே உயிரிழந்துள்ளதாக பொலிஸார் தெரிவித்தனர்.