தவறவிடாதீர்கள்..!உடனே பதிவு செய்யுங்கள்

மாதம்பை பொலிஸ் பிரிவிற்குட்பட்ட சுதுவெல்ல பிரதேசத்தில் உள்ள வீடொன்றில் ,ஒருவர் படுகொலை செய்யப்பட்டுள்ளதாக மாதம்பை பொலிஸ் நிலையத்திற்கு கிடைத்த தகவலின் அடிப்படையில் விசாரணைகள் இன்று ஞாயிற்றுக்கிழமை (13) ஆரம்பிக்கப்பட்டுள்ளதாக பொலிஸார் தெரிவித்தனர்.

உயிரிழந்தவர் , சுதுவெல்ல, மாதம்பை பகுதியைச் சேர்ந்த 35 வயதுடையவர் ஆவார்.

இது தொடர்பாக மேலும் தெரியவருவதாவது , 

இறந்தவர் வீட்டின் அறையொன்றில் தரையில் உறங்கிக் கொண்டிருந்த போது கூரிய ஆயுதத்தால் தாக்கப்பட்டுள்ளதாக  தற்போதைய விசாரணையில் தெரியவந்துள்ளது.

சந்தேக நபர்களை கைது செய்வதற்கான மேலதிக விசாரணைகளை மாதம்பை பொலிஸார் மேற்கொண்டு வருகின்றனர்.