தவறவிடாதீர்கள்..!உடனே பதிவு செய்யுங்கள்

நாடு முழுவதும் பெய்து வரும் அடை மழை காரணமாக கட்டானை ஊடாக பாயும் தடுகம் ஓயா பெருக்கெடுத்து ஓடுவதால் 4000 ற்கும் மேற்பட்டவர்கள்  பாதிக்கப்பட்டுள்ளதாக கட்டான பிரதேச செயலாளர்  சுமுது அத்துகோரள இன்று ஞாயிற்றுக்கிழமை (13) தெரிவித்தார்.  

சுமார் , 17 கிராம சேவையாளர்  பிரிவுகளில் 1385 குடும்பங்களைச் சேர்ந்த சுமார் 4800 பேர் பாதிக்கப்பட்டுள்ளதாக அவர் தெரிவித்துள்ளார்.

இதேவேளை , இந்த அனர்த்தம் காரணமாக கட்டுநாயக்க விமான நிலையத்திற்கு செல்லும் கட்டுநாயக்க – நிட்டம்புவ வீதி வெள்ளத்தில் மூழ்கியுள்ளதுடன், போக்குவரத்தும் தடைப்பட்டுள்ளதாக தெரிவிக்கப்பட்டுள்ளது.

இது தொடர்பில் அவர் மேலும் தெரிவிக்கையில் , 

நீர்கொழும்பில் இருந்து கிபுலபிடிய மற்றும் படபதுர கல்மங்கட புகையிரத ஊடாக கட்டுநாயக்க விமான நிலையத்திற்கு செல்லும் வீதியும் வெள்ள நிலைமை காரணமாக போக்குவரத்து நிறுத்தப்பட்டுள்ளது.

மேலும் , கொடுகொட ரோமன் கத்தோலிக்க கல்லூரி, வெள்ளம் காரணமாக இடம்பெயர்ந்தவர்களின் முகாமாக பயன்படுத்தப்பட்டுள்ளதாகவும் கட்டான பிரதேச செயலாளர் தெரிவித்தார்.

அத்துடன், மாதுவ, கொடுகொட பிரதேசங்களில் வெள்ளத்தினால் பாதிக்கப்பட்ட மக்களுக்கு , போக்குவரத்து வசதிகளை ஏற்படுத்திக் கொடுப்பதற்காக இலங்கை இராணுவத்தினரின் ஆதரவுடன் படகுச் சேவை முன்னெடுக்கப்பட்டு வருவதாகவும் அவர் தெரிவித்தார்.

மேலும் , தற்போதும் அப்பகுதி முழுவதும் கடும் மழை பெய்து வருகின்றதுடன், இதன் காரணமாக மடவள, மாதுவ, அரம்ப, குஸ்வல, முதுவாடிய, கொடுகொட, கோவின்ன, கிம்புலபிட்டிய, படபதுர, கல்மங்கட, பல்லேவெவ போன்ற பிரதேசங்களில் போக்குவரத்துக்கு , அந்த பகுதிகளில் வாழும் மக்கள் பெரும் சிரமங்களை எதிர்நோக்கி வருகின்றதாக அவர் தெரிவித்துள்ளார்.