தவறவிடாதீர்கள்..!உடனே பதிவு செய்யுங்கள்

மெதிரிகிரிய பொலிஸ் பிரிவுக்குட்பட்ட குசும் பொகுன பகுதியில் சிறிய உழவு இயந்திரமொன்று வீதியில் கவிழ்ந்து அதன் சாரதி உயிரிழந்துள்ளதாக பொலிஸார் தெரிவித்தனர்.

உயிரிழந்தவர் குசும் பொகுன திவுலங்கடவல பகுதியைச் சேர்ந்த 49 வயதுடையவர் ஆவார்.  

இந்த உழவு இயந்திரம் பிங்பார பகுதியிலிருந்து குசும் பொகுன நோக்கிச் சென்றுகொண்டிருந்தபோது சாரதியின் கட்டுப்பாட்டை இழந்து வீதியில் கவிழ்ந்துள்ளது. 

இதன்போது சாரதி உழவு இயந்திரத்தின் அடியில் விழுந்துள்ளதாக பொலிஸார் தெரிவித்தனர். 

இவ்விபத்தில் பலத்த காயங்களுக்குள்ளான சாரதி மெதிரிகிரிய வைத்தியசாலையில் அனுமதிக்கப்பட்டு மேலதிக சிகிச்சைக்காக பொலன்னறுவை வைத்தியசாலைக்கு மாற்றப்பட்ட பின்னர், சிகிச்சை பலனின்றி உயிரிழந்துள்ளார்.

இதனையடுத்து, சடலம் பொலன்னறுவை வைத்தியசாலையின் பிரேத அறையில் வைக்கப்பட்டுள்ளது.