தவறவிடாதீர்கள்..!உடனே பதிவு செய்யுங்கள்

நாடளாவிய ரீதியில் நேற்று ஞாயிற்றுக்கிழமை (06) இடம்பெற்ற இரு வீதி விபத்துக்களில் இருவர் உயிரிழந்துள்ளதாக பொலிஸார் தெரிவித்தனர்.    

இதன்படி கணேமுல்ல பொலிஸ் பிரிவுக்குட்பட்ட  பகுதியில்  வீதியோரம் நடந்து சென்ற பெண் ஒருவர் லொறி மோதி உயிரிழந்துள்ளார்.  

உயிரிழந்தவர்  88 வயதுடைய பொல்லாட, கணேமுல்ல பிரதேசத்தை சேர்ந்தவர் ஆவார்.   

இதேவேளை, ஹங்வெல்ல பொலிஸ் பிரிவிற்குட்பட்ட  பகுதியில்  களுக்கலயிலிருந்து லபுகம நோக்கி பயணித்த மோட்டார் சைக்கிள் வீதியை விட்டு விலகி விபத்துக்குள்ளானது.   

விபத்தில் படுகாயங்களுக்குள்ளான மோட்டார் சைக்கிளை செலுத்தி சென்றவரும் பின்னால் அமர்ந்திருந்தவரும்  அவிசாவளை வைத்தியசாலையில் அனுமதிக்கப்பட்ட பின் ஒருவர்  உயிரிழந்துள்ளார்.   

உயிரிழந்தவர் பிலியந்தலை பகுதியைச் சேர்ந்த 19 வயதுடைய இளைஞராவார்.

விபத்துக்கள் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.