தவறவிடாதீர்கள்..!உடனே பதிவு செய்யுங்கள்

இலங்கை வெளிவிவகார  அமைச்சர் விஜித ஹேரத்தை சந்தித்தவேளை  இலங்கையின் பொருளாதாரத்தை மீள கட்டியெழுப்புவதற்கான இந்தியாவின் தொடர்ச்சியான ஆதரவு குறித்து விஜித ஹேரத்திற்கு உறுதியளித்தேன் என இலங்கைக்கு விஜயம் மேற்கொண்டுள்ள இந்திய வெளிவிவகார அமைச்சர் எஸ் ஜெய்சங்கர் தெரிவித்துள்ளார். 

இலங்கை வெளிவிவகார அமைச்சருடனான பேச்சுவார்த்தைகளை  பூர்த்தி செய்துள்ளேன்.

அவருடைய புதிய பொறுப்புகளிற்காக அவருக்கு மீண்டும் வாழ்த்துக்களை தெரிவித்துள்ளேன்.

இந்திய இலங்கை கூட்டுறவின் பல்வேறு பரிமாணங்களை மதிப்பாய்வு  செய்தோம்.இலங்கையின் பொருளாதாரத்தை மீள கட்டியெழுப்புவதற்கான இந்தியாவின் தொடர்ச்சியான ஆதரவு குறித்து விஜித ஹேரத்திற்கு உறுதியளித்தேன்.

அயல்நாடுகளிற்கு முன்னுரிமை,எங்கள் இரு நாடுகளின் உறவுகளின் முன்னேறத்தை எப்போதும் வழிநடத்தும். என  இந்திய வெளிவிவகார அமைச்சர் எஸ் ஜெய்சங்கர் தெரிவித்துள்ளார்