தவறவிடாதீர்கள்..!உடனே பதிவு செய்யுங்கள்

கலை, இலக்கிய, தமிழ் பண்பாட்டை உணர்த்தும் வகையில் ஏற்பாடு செய்யப்பட்டுள்ள 'ஞயம்பட உரை' கலாசார நிகழ்வு எதிர்வரும் 6ஆம் திகதி ஞாயிற்றுக்கிழமை மாலை 5.30 மணிக்கு கொழும்பு நெலும் பொக்குண மகிந்த ராஜபக்ஷ கலையரங்கத்தில் நடைபெறவுள்ளது. 

இக்கலாசார நிகழ்வில் பிரதம விருந்தினராக கொழும்பு இராமகிருஷ்ண மிஷன் தலைவர் சுவாமி அக்ஷராத்மானந்தா மகராஜ், சிறப்பு விருந்தினர்களாக சைவ மங்கையர் வித்தியாலயத்தின் அதிபர் அருந்ததி ராஜவிஜயன் மற்றும் அஷ்டாங்க யோக மந்திர் நிறுவுனர் வியாஸ கல்யாணசுந்தரம் ஆகியோர் கலந்துகொள்ளவுள்ளனர். 

இதன்போது, விருந்தினர் வரவேற்பை தொடர்ந்து சைவ மங்கையர் வித்தியாலய மாணவர்கள் பங்கேற்கும் இலக்கிய அரங்க ஆற்றுகை, புராண நாடகம் (காயகல்பம்), விடுகதை பாடல், இராமகிருஷ்ண மிஷன் சமயப் பாடசாலை மாணவர்கள் வழங்கும் இசைக்கச்சேரி, அபிநயக்ஷேத்ரா நடனப்பள்ளி மாணவர்களின் “ஞானம் ஓர் வடிவாகி” நாட்டியம் ஆகியவை நிகழ்த்தப்படவுள்ளன. 

மேலும், இக்கலாசார நிகழ்வில் கலந்துகொள்ளும் விருந்தினர்கள் கௌரவிக்கப்படவுள்ளமை குறிப்பிடத்தக்கது.