தவறவிடாதீர்கள்..!உடனே பதிவு செய்யுங்கள்

இந்தியாவின் தேச பிதா என்றழைக்கப்படும் மகாத்மா காந்தியின் பிறந்த தினத்தை முன்னிட்டு கொழும்பிலுள்ள பிரதமர் அலுவலகத்தில் இன்று (02) காந்தி ஜெயந்தி அனுஷ்டிக்கப்பட்டது. 

இதன்போது பிரதமர் ஹரினி அமரசூரியவும் இலங்கைக்கான இந்திய உயர்ஸ்தானிகர் சந்தோஷ் ஜாவும் மகாத்மா காந்தியின் திருவுருவச்சிலைக்கு மலர்மாலை அணிவித்து மரியாதை செலுத்தினர். 

இங்குள்ள இந்த மார்பளவுச் சிலையானது மகாத்மா காந்தியின் 150ஆவது பிறந்த தின நினைவினை முன்னிட்டு 2019ஆம் ஆண்டில்  இந்தியாவால் அன்பளிப்பாக வழங்கப்பட்டிருந்தது.  

மகாத்மா காந்தி தியான நிலையில் இருக்கும் இந்த 42 அங்குல வெண்கல சிலை பத்மபூசண் விருதுபெற்ற ராம் வஞ்ஜி சுதரால் வடிவமைக்கப்பட்டதாகும். 

குஜராத்தின் கேவாடியாவில் உள்ள உலகின் மிகவும் உயரமான வெண்கலச் சிலையான சர்தார் பட்டேல் சிலையும் சுதரால் வடிவமைக்கப்பட்டமை குறிப்பிடத்தக்கது.