தவறவிடாதீர்கள்..!உடனே பதிவு செய்யுங்கள்

மாத்தறை - அக்குரஸ்ஸ வீதியில் ஹித்தெட்டிய பிரதேசத்தில் மோட்டார் சைக்கிள் மோதி வயோதிபர் ஒருவர் உயிரிழந்துள்ளதாக மாத்தறை பொலிஸார் தெரிவித்தனர்.

இந்த விபத்து நேற்று (30) திங்கட்கிழமை காலை இடம்பெற்றுள்ளது. 

மாத்தறையிலிருந்து அக்குரஸ்ஸ நோக்கிப் பயணித்த மோட்டார் சைக்கிள் ஒன்று வீதியில் பயணித்த வயோதிபர் மீது மோதியதில் இந்த விபத்து இடம்பெற்றுள்ளது.

விபத்தின்போது, படுகாயமடைந்த வயோதிபர் கராப்பிட்டிய வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

ஹித்தெட்டிய பிரதேசத்தைச் சேர்ந்த 72 வயதுடைய வயோதிபர் ஒருவரே உயிரிழந்துள்ளார்.

இதனையடுத்து, மோட்டார் சைக்கிளின் செலுத்துனர் சந்தேகத்தின் பேரில் கைது செய்யப்பட்டுள்ளார்.

இது தொடர்பான மேலதிக விசாரணைகளை மாத்தறை பொலிஸார் மேற்கொண்டு வருகின்றனர்.