தவறவிடாதீர்கள்..!உடனே பதிவு செய்யுங்கள்

தமிழ் ரசிகர்களுக்கு நன்கு அறிமுகமான தெலுங்கின் முன்னணி நட்சத்திர நடிகரான ராம் சரண் கதையின் நாயகனாக முதன்மையான வேடத்தில் நடித்திருக்கும் 'கேம் சேஞ்சர்' எனும் திரைப்படத்தில் இடம்பெற்ற 'ரா மச்சா மச்சா..' எனத் தொடங்கும் முதல் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.

பிரம்மாண்ட இயக்குநர் ஷங்கர் இயக்கத்தில் உருவாகி இருக்கும் 'கேம் சேஞ்சர்' எனும் திரைப்படத்தில் ராம் சரண், கியாரா அத்வானி, அஞ்சலி, சமுத்திரக்கனி, எஸ். ஜே. சூர்யா, ஸ்ரீகாந்த், சுனில் உள்ளிட்ட பலர் நடித்திருக்கிறார்கள். 

எஸ். திருநாவுக்கரசு ஒளிப்பதிவு செய்திருக்கும் இந்த திரைப்படத்திற்கு எஸ். தமன் இசையமைத்திருக்கிறார். 

அரசியல் கலந்த எக்சன் என்டர்டெய்னராக தயாராகி இருக்கும் இந்த திரைப்படத்தை ஸ்ரீ வெங்கடேஸ்வரா கிரியேசன்ஸ் எனும் நிறுவனம் சார்பில் தயாரிப்பாளர்கள் ராஜு , சிரீஷ் ஆகியோர் இணைந்து தயாரித்திருக்கிறார்கள்.

எதிர்வரும் டிசம்பர் மாதம் இருபதாம் திகதியன்று உலகம் முழுவதும் பட மாளிகையில் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகும் இந்த திரைப்படத்தில் இடம் பெற்ற 'கிளாச மடக்கி இறக்குனா நானும் நீதான்..' எனத் தொடங்கும் முதல் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது. 

இந்த பாடலை பாடலாசிரியர் விவேக் எழுத, பின்னாடி பாடகர் நகாஸ் ஆசிஷ் பாடி இருக்கிறார். துள்ளல் இசையில் உருவான இந்தப் பாடலில் நாயகன் ராம் சரணின் நடன அசைவுகள், பாடல் வரிகள் ரசிகர்களுக்கு வெகுவாக பிடித்திருப்பதால், பெரும் வரவேற்பினை பெற்று வருகிறது. 

இந்தப் பாடல் வெளியான குறுகிய கால அவகாசத்திற்குள் மில்லியன் கணக்கிலான பார்வையாளர்களால் பார்வையிடப்பட்டு சாதனை படைத்து வருகிறது.