தவறவிடாதீர்கள்..!உடனே பதிவு செய்யுங்கள்

அப்புத்தளை, பிட்டரத்மலை தேயிலை தோட்டத்தில் குளவி கொட்டுக்கு இலக்காகி ஏழு பெண் தோட்ட தொழிலாளர்கள் காயமடைந்துள்ளதாக அப்புத்தளை பொலிஸார் தெரிவித்தனர். 

இந்த சம்பவம் செவ்வாய்க்கிழமை (01) இடம்பெற்றுள்ளது.

பிட்டரத்மலை தேயிலை தோட்டத்தில் உள்ள மரத்திலிருந்த குளவி கூடு ஒன்று கலைந்ததால் இந்த தாக்குதல் இடம்பெற்றுள்ளது.

தேயிலை பறித்துக்கொண்டிருந்த பெண் தோட்ட தொழிலாளர்களே இவ்வாறு காயமடைந்துள்ளனர்.

காயமடைந்தவர்கள் அப்புத்தளை  வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர். 

இந்நிலையில், காயமடைந்தவர்களில் ஒருவர் மேலதிக சிகிச்சைக்காக தியத்தலாவை ஆதார வைத்தியசாலைக்கு மாற்றப்பட்டுள்ளதாக பொலிஸார் மேலும் தெரிவித்தனர்.