தவறவிடாதீர்கள்..!உடனே பதிவு செய்யுங்கள்

ரணில் விக்கிரமசிங்கவினதும் சஜித் பிரேமதாசவினதும் பிளவு அநுரகுமார திசாநாயக்கவுக்கு பெரும் வாய்ப்பாக அமைந்தது என்பதை கடந்த ஜனாதிபதி தேர்தல் முடிவுகள் வெளிப்படுத்துகின்றன. ஒட்டுமொத்த வாக்காளர் எண்ணிக்கையில் 50 வீதத்தை கடக்க யாராலும் முடியவில்லை. அநுரகுமார திசாநாயக்க 42.31 வீத வாக்குகளையே பெற்றிருந்தார். எனவே பாராளுமன்ற தேர்தலில் மூன்றில் பெரும்பான்மை ஆதரவு கிடைக்க வேண்டுமாயின் 225இல் 113 ஆசனங்களை வெற்றிக்கொள்ள வேண்டும். இந்த இலக்கை சாத்தியப்படுத்துவதில் உள்ள சவால்களாக வடக்கு, கிழக்கு மற்றும் மலையக மக்களின் ஆதரவுகள் பிரதானமானவையாக அநுரகுமார திசாநாயக்க கருதுகின்றார். மறுபுறம் கத்தோலிக்க மக்களின் வாக்குகளை தக்க வைத்துக்கொள்ளவும், சிங்கள மக்களின் ஆதரவை பெருப்பித்துக்கொள்ளவும் வியூகஙகள் வகுக்கப்படுகின்றது. இதில் முதலாவதாக ஊழல் ஒழிப்பை பிரதானமாக கொண்டு தேர்தலில் வெற்றிப்பெற்றமையினால், அதனை நிரூபிக்கும் வகையில், மத்திய வங்கி பிணைமுறை மோசடி உள்ளிட்ட முக்கிய பல வழக்குகளை தூசுதட்டி எடுக்க திட்டமிடப்பட்டுள்ளது. இதன்போது முக்கிய பிரமுகர்கள் கைது செய்யப்படலாம்.