தவறவிடாதீர்கள்..!உடனே பதிவு செய்யுங்கள்

பாதாள உலக கும்பலைச் சேர்ந்தவரும் பிரபல போதைப்பொருள் கடத்தல்காரருமான “அங்கொடை ஜூலே” என்று அழைக்கப்படும் பொன்னம்பெருமகே தனுஷ் புத்திக்க என்பவரின் உதவியாளர் ஒருவர் பொலிஸாரால் கைது செய்யப்பட்டுள்ளார். 

திட்டமிட்ட குற்றவாளி ஒருவரின் முக்கிய உதவியாளரும் பாரியளவிலான போதைப்பொருள் கடத்தல்காரருமான இவர், பொலிஸ் விசேட அதிரடிப்படையினரால் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்ட சந்தேக நபர் பத்தரமுல்ல பிரதேசத்தை சேர்ந்த 30 வயதுடையவர் ஆவார்.  

சந்தேக நபரிடம் இருந்து 25 கிராம் 500 மில்லிகிராம் ஐஸ் போதைப்பொருள் மற்றும் 51 கிராம் கேரள கஞ்சாவை பொலிஸார் கைப்பற்றியுள்ளனர்.

அத்துடன், போதைப்பொருள் கடத்தலில் இருந்து எடுக்கப்பட்டதாக சந்தேகிக்கப்படும் 274,400 ரூபாய் பணமும் பொலிஸாரால் கைப்பற்றப்பட்டுள்ளது.

மேலும், சந்தேக நபர் மேலதிக விசாரணைகளுக்காக தலங்கம பொலிஸ் நிலையத்தில் ஒப்படைக்கப்பட்டுள்ளார்.