தவறவிடாதீர்கள்..!உடனே பதிவு செய்யுங்கள்

பிலியந்தலை - கெஸ்பேவ வீதியில் கொட்டாவை பிரதேசத்தில் லொறி மோதி வயோதிபர் ஒருவர் உயிரிழந்துள்ளதாக பிலியந்தலை பொலிஸார் தெரிவித்தனர்.

இந்த விபத்து நேற்று புதன்கிழமை (25) அதிகாலை இடம்பெற்றுள்ளது.

பிலியந்தலையிலிருந்து கெஸ்பேவ நோக்கிப் பயணித்த லொறி ஒன்று வீதியில் பயணித்த வயோதிபர் மீது மோதியதில் இந்த விபத்து இடம்பெற்றுள்ளது.

விபத்தின்போது, படுகாயமடைந்த வயோதிபர் களுபோவில வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

பிலியந்தலை பிரதேசத்தைச் சேர்ந்த 74 வயதுடைய வயோதிபர் ஒருவரே உயிரிழந்துள்ளார்.

இதனையடுத்து, லொறியின் சாரதி சந்தேகத்தின் பேரில் கைது செய்யப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை  பிலியந்தலை பொலிஸார் மேற்கொண்டு வருகின்றனர்.