தவறவிடாதீர்கள்..!உடனே பதிவு செய்யுங்கள்

பிங்கிரிய பொலிஸ் பிரிவுக்கு உட்பட்ட சிலாபம் - குருணாகல் வீதியில் இன்று வியாழக்கிழமை (19) அதிகாலை இடம்பெற்ற விபத்தில் முதியவர் ஒருவர் உயிரிழந்துள்ளதாக பிங்கிரிய பொலிஸார் தெரிவித்தனர்.

குருணாகலிலிருந்து சிலாபம் நோக்கிப் பயணித்த லொறி ஒன்று வீதியில் இருந்த முதியவர் ஒருவர் மீது மோதியதில் இந்த விபத்து இடம்பெற்றுள்ளது.

காயமடைந்த முதியவர் பிங்கிரிய வைத்தியசாலையில் அனுமதிக்கப்பட்டு மேலதிக சிகிச்சைக்காக குளியாப்பிட்டிய வைத்தியசாலைக்கு மாற்றப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

பிங்கிரிய பிரதேசத்தைச் சேர்ந்த 70 வயதுடைய முதியவரே உயிரிழந்துள்ளார்.

இதனையடுத்து, லொறியின் சாரதி பொலிஸரால் கைது செய்யப்பட்டுள்ளார்.

இது தொடர்பான மேலதிக விசாரணைகளை பிங்கிரிய பொலிஸார் மேற்கொண்டு வருகின்றனர்.