தவறவிடாதீர்கள்..!உடனே பதிவு செய்யுங்கள்

கிழக்கின் சுற்றுலா மையம் (Eastern Tour Hub) அமைப்பின் Tailoring & Fashion Designing-100 செயற்றிட்டமானது கடந்த 15ஆம் திகதி ஞாயிற்றுக்கிழமை IHS Vocational Campusஇல் உத்தியோகபூர்வமாக ஆரம்பித்துவைக்கப்பட்டது.

கிழக்கிலங்கையில் தையல்துறையில் ஆர்வமுள்ள யுவதிகளினது வருமானத்தை அதிகரிப்பதை பிரதான நோக்கமாகக் கொண்டு அவர்களுக்கான  தொழில்வாய்ப்பினையும் சமூக அந்தஸ்தையும்  உருவாக்கிக் கொடுக்கும் நோக்குடன் Eastern Tour Hub செயற்றிட்டத்தினூடாக IHS Vocational Campusஇன் செயற்படுத்தலின் மூலம்  SF Garment Group of Companyஇன்   அனுசரணையுடன் தொழில் முனைவோருக்கான  நேர்முகத் தேர்வு இதன்போது இடம்பெற்றது.

இந்நேர்முக தேர்வில்  நூற்றுக்கு மேற்பட்டவர்கள் கலந்துகொண்டதுடன் அதில்  100 பேர் தெரிவு செய்யப்பட்டு அவர்களுக்கான தொழில் விதிமுறைக் கடிதம் வழங்கப்பட்டமை குறிப்பிடத்தக்கது. 

இந்நிகழ்வில் அதிதிகளாக ஈஸ்டர்ன் டுவர் ஹப்பின் பிரதம நிறைவேற்று பணிப்பாளர் A.R.M.சர்ஜூன், IHS Vocational Campusஇன் பிரதம நிறைவேற்று அதிகாரி A.A.A. அஃப்ரி, SF Garment Group of Companyயின் தவிசாளர் மொகமட் சுக்ரி, IHSV Campusஇன் நிறைவேற்று அதிகாரி M.M.நவாஸ், Techlink Technology Campusஇன் பிரதான நிறைவேற்று அதிகாரி பாதிமா ரின்ஷா , IHSV Campusஇன் பதிவாளர் நஸீமா பானு, SRN Savummiya Products நிறுவனத்தின் தவிசாளர் எஸ். சௌமியா மற்றும் பல  பிரமுகர்கள் கலந்துகொண்டனர்.