தவறவிடாதீர்கள்..!உடனே பதிவு செய்யுங்கள்

நாம் ஒரு நாடு என்ற வகையில் ஐக்கியப்பட்டு ஒன்றிணைந்து இருப்பது முக்கியமாகும்

எந்தவொரு குடும்பமும் பொறுப்புக்கூறப்பட முடியாத இழப்பொன்றால் துன்பப்படக்கூடாது

நிறைவேற்று ஜனாதிபதியின் அதிகாரங்களை குறைப்பதற்கு ஆதரவு

மலையக தமிழ் சமூகத்தின் வாழ்வாதாரத்தை மேம்படுத்த விசேட திட்டம்

ஊழல்களை தடுப்பதற்கு விசேட சட்டதிட்டங்கள் அமுலாகும்

சிறு­பான்­மை­யி­ன­ரது உரி­மை­களைப் பாது­காத்து உறு­திப்­ப­டுத்தும் அதே­ச­மயம் சமூ­கங்­க­ளுக்­கி­டை­யி­லான புரிந்­து­ணர்வு மற்றும் நம்­பிக்­கையை ஊக்­கு­விக்க அய­ராது பணி­யாற்­ற­வுள்ளோம். தமிழ் சமூ­கத்தின் கவ­லை­களை நிவர்த்தி செய்­வதில் நான் உறு­தி­யா­க­வுள்ளேன் என்று ஜனா­தி­பதி வேட்­பாளர் ரணில் விக்­கி­ர­ம­சிங்க தெரி­வித்­துள்ளார்.

வடக்கு, கிழக்கில் வாழும் தமிழ், முஸ்லிம் மக்­களின் பிரச்­சி­னை­க­ளுக்கு தீர்­வு­ கா­ணவும் நட­வ­டிக்கை எடுக்­கப்­படும் என்றும் அவர் சுட்­டிக்­காட்­டி­யுள்ளார்.

வீர­கே­ச­ரியின் 'ஜனா­தி­பதி வேட்­பா­ளர்­க­ளிடம் கேளுங்கள் - 2024' எனும் தலைப்பில் ஆயி­ரக்­க­ணக்­கான மக்­களால் தொடுக்­கப்­பட்ட வினாக்­களில் முக்­கிய வினாக்­க­ளுக்கு ஜனா­தி­பதி வேட்­பா­ளரும் ஜனா­தி­ப­தி­யு­மான ரணில் விக்­கி­ர­ம­சிங்க வழங்­கி­யுள்ள பதில்கள் வரு­மாறு:

கேள்வி:  தமிழ் சமூ­கத்­தினர் இனப்பிரச்­சி­னைக்கு தீர்­வொன்றை நீண்ட கால­மாக நாடி வரு­கின்­றனர். உங்கள் அர­சாங்கம் நிலை­யான சமா­தானம் மற்றும் நல்­லி­ணக்­கத்தை எட்­டு­வ­தற்கு குறிப்­பி­டத்­தக்க என்ன முயற்­சி­களை எடுக்­க­வுள்­ளது? மேல­தி­க­மாக ஆட்­சிக்­கான சமஷ்டி முறை­மை­யொன்றை ஏற்­றுக்­கொள்­வது குறித்து உங்கள் நிலைப்­பாடு என்ன?

பதில்: சட்ட நட­வ­டிக்­கை­யி­லுள்ள ஒரு சிலரைத் தவிர அனைத்து அர­சியல் கைதி­க­ளையும் விடு­தலை செய்­வ­தற்கு நான் வசதி செய்து கொடுத்தேன். நாங்கள் அடிப்­ப­டையில் அர­சியல் கைதிகள் என்ற எண்­ணக்­க­ருவை முடி­வுக்கு கொண்டு வந்­துள்ளோம். நீங்கள் சிங்­க­ள­வர்கள், தமி­ழர்கள், முஸ்­லிம்கள் யாராக இருந்­தாலும் அனை­வரும் இலங்­கை­யர்கள் என்ற வகையில் சம உரி­மைகள் உடை­ய­வர்கள் என்­ப­தற்கு முன்­னு­ரிமை கொடுக்­கப்­படும் என்­பதை நான் எப்­போதும் தெளி­வு­ப­டுத்­தி­யுள்ளேன்.

நாங்கள் அனை­வரும் இலங்­கை­யர்கள் என்ற வகையில் நாங்கள் இலங்­கை­யர்­க­ளாக இருப்­ப­தற்கு பெரு­மைப்­பட வேண்டும். கடந்த காலங்­களில் நீங்கள் எமது கிரிக்கெட் குழு­வுக்கு ஆத­ர­வாக அணி திரண்­டது போன்று எமது பின்­ன­ணியை கருத்தில் கொள்­ளாது ஒருவர் பின்னால் ஒருவர் அணி­தி­ரள வேண்டும். நாங்கள் ஒரு நாடாக ஐக்­கி­யப்­படும் போது நாம் மிகவும் சக்தி வாய்ந்­த­வர்­க­ளாக இருப்போம். நாம் பாரிய திறனைக்கொண்ட ஒரு நாடா­க­வுள்ளோம். எமது நாட்­டி­லான பிரி­வினை எமக்கு பாதிப்பை ஏற்­ப­டுத்­து­வதை கண்டு வரு­கிறோம்.   பிரி­வினை எம்மை பின்னால் மட்டும் வைத்­தி­ருக்கும். நாம் ஐக்­கி­யப்­பட்­டி­ருக்கும் போது ஒரு நாடு என்ற ரீதியில் நாம் அடைய முடி­யா­தது ஒன்றும் இல்லை.

அத­னா­லேயே எனது அர­சாங்கம் தொடர்ந்து பேச்­சு­வார்த்­தைகள் மற்றும் நல்­லி­ணக்­கத்­துக்­கான முயற்­சி­களை ஊக்­கு­வித்து தமிழ் சமூ­கத்தின் கவ­லை­களை நிவர்த்தி செய்­வதில் உறு­தி­யா­க­வுள்­ளது. இலங்கை வாழ்வின் அனைத்துக் கூறு­க­ளிலும் அது அர­சியல் செயற்­கி­ர­ம­மாக, பொரு­ளா­தார அபி­வி­ருத்­தி­யாக அல்­லது சமூக ரீதி­யா­ன­தாக இருப்­பினும் இலங்­கை­யி­லுள்ள அனைத்து சமூ­கங்­களும் உள்­வாங்­கப்­ப­டு­வது முக்­கி­ய­மாகும். சிறு­பான்­மை­யி­ன­ரது உரி­மை­களைப் பாது­காத்து உறு­திப்­ப­டுத்தும் அதே­ச­மயம் சமூ­கங்­க­ளுக்­கி­டை­யி­லான புரிந்­து­ணர்வு மற்றும் நம்­பிக்­கையை ஊக்­கு­விக்க அய­ராது பணி­யாற்­ற­வுள்ளோம்.  கூட்­டாட்சி முறைமை ஒன்­றுக்­காக என்ற ரீதியில் 13ஆவது சீர்­தி­ருத்­தத்தின் கீழ் கூட்­டாட்சி மாதி­ரி­யொன்றை முழு­மை­யாக ஏற்­றுக்­கொள்­ளாமல் அதி­கா­ரங்கள் பகிர்ந்­த­ளிக்­கப்­பட்ட ஒற்றை ஆட்­சி­யொன்றில் நம்­பிக்கை கொண்­டுள்ளேன். இலங்­கையில் ஒவ்­வொரு பாகமும் வேறு­பட்ட தேவைகள் மற்றும் தேவைப்­பா­டு­களைக் கொண்­டுள்­ளது. இது நாம் சமூ­கங்­க­ளுக்கும் பிராந்­தி­யங்­க­ளுக்கும் தமது எதிர்­கா­லத்தை நிர்­ண­யிக்க உள்­ளூ­ராட்சி மட்­டத்தில் தீர்­மானம் எடுப்­பதில் மேல­திக அதி­கா­ரத்தைக் கொண்­டி­ருப்­பதைக் கரு­து­கி­றது. ஆனால் நாம் ஒன்­றி­ணைந்து பணி­யாற்­று­வதை உறு­திப்­ப­டுத்த வேண்­டி­யுள்­ளது.    புவிசார் அர­சி­யலும் மாறும் அதி­கா­ரங்­களும் வேக­மாக மாறிக் கொண்­டி­ருக்கும் இந்த உலகில் கால­நிலை மாற்றம், உலக பொரு­ளா­தார நகர்­வுகள் என்­பன எந்­த­வொரு நாட்­டுக்கும் அச்­சு­றுத்­த­லாக காணப்­ப­டு­கின்­றன.

நாம் ஒரு நாடு என்ற வகையில் ஐக்­கி­யப்­பட்டு ஒன்­றி­ணைந்து இருப்­பது முக்­கி­ய­மாகும். நாம் வெவ்­வேறு பின்­ன­ணியைக் கொண்­டி­ருக்­கலாம். ஆனால் ஒரு தீவு என்ற வகையில் நாம் ஒரு நாடாக செயற்­படும் எமது ஆற்­றலை உறு­திப்­ப­டுத்­து­வ­தற்கும் எமது நாட்டைப் பாது­காப்­ப­தற்கும் பொரு­ளா­தா­ரத்தைக் கட்­ட­மைப்­ப­தற்கும் எமது மக்­களை வலு­வூட்­டு­வ­தற்கும் நாம் எமது பகி­ரப்­பட்ட அடை­யா­ளத்­தையும் மையப்­ப­டுத்­தப்­பட்ட முறை­மை­யையும் பகிர்ந்­த­ளிக்­கப்­பட்ட அதி­கா­ரங்­க­ளையும் தக்க வைத்­துக்­கொள்ள வேண்­டி­யுள்­ளது.

கேள்வி:  உள்­நாட்டுப் போரின் இறுதிக் கட்­டங்­களில் இடம்­பெற்ற கவ­லை­ தரும் வலிந்து காணா­ம­லாக்­கப்­ப­டல்கள் மற்றும் ஆட்­க­டத்­தல்கள் தொடர்பில் அர­சாங்­கத்தின் பொறுப்புக் கூறலை எவ்­வாறு மதிப்­பீடு செய்­ய­வுள்­ளீர்கள்? வருங்­காலத் தலை­வ­ராக மோச­மான மனித உரி­மைகள் மீறல்கள் மற்றும் நீதிக்குப் புறம்­பான படு­கொ­லைகள் தொடர்­பான குற்­றச்­சாட்­டு­களை எவ்­வாறு நிவர்த்தி செய்­வ­தற்கு திட்­ட­மிட்­டுள்­ளீர்கள்?

பதில்: வலிந்து காணா­ம­லாக்­கப்­படல் தொடர்பில் அர­சாங்­கத்தின் பொறுப்­புக்­கூறல். இது முக்­கிய ஒரு கேள்­வி­யாகும். இது மேலும் மோதல் மற்றும் அர­சாங்­கத்தின் செயற்­பா­டுகள் என்­பன பற்­றி­ய­தாகும். இது மனி­த­ராக இருப்­பது தொடர்­பா­ன­தாகும். எந்­த­வொரு குடும்­பமும் பொறுப்புக் கூறப்­பட முடி­யாத இழப்­பொன்றால் துன்­பப்­படக் கூடாது.   போர் காலத்­தி­லான வலிந்து காணா­ம­லாக்­கப்­ப­டல்கள் மற்றும் துஷ்­பி­ர­யோ­கங்கள் என வரும் போது பொறுப்­புக்­கூ­ற­லி­னதும் நீதி­யி­னதும் முக்­கி­யத்­து­வத்தை அங்­கீ­க­ரிப்­பதை நான் உங்­க­ளுக்கு உறு­திப்­ப­டுத்­து­கிறேன். இந்த சம்­ப­வங்கள் குறித்து வெளிப்­ப­டைத்­தன்­மை­யு­டனும் எமது சர்­வ­தேச கடப்­பா­டு­க­ளுக்கு அமை­யவும் விசா­ர­ணை­க­ளுக்­கான பொறி­முறை­களை முன்­னெ­டுக்கும் என்­பதை எனது அர­சாங்கம் உறு­திப்­ப­டுத்­து­வதில் நான் தீர்­மா­ன­மா­க­வுள்ளேன். போருக்கு பின்னர் புதிய வாழ்க்­கையை ஆரம்­பித்­துள்ள வடக்கு, கிழக்கு மாகா­ணங்­க­ளி­லுள்ள தமிழ் மற்றும் முஸ்லிம் சமூ­கங்கள் ஒரு தொகை பிரச்­சி­னை­களை எதிர்­கொண்டு வரு­கின்­றனர். அவர்­க­ளது பிரச்­சி­னைகள் குறித்து பின்­வரும் நட­வ­டிக்­கைகள் எடுக்­கப்­ப­ட­வுள்­ளன.

* உண்மை மற்றும் நல்­லி­ணக்க சட்­டத்தை செயற்­ப­டுத்தல்.

* காணா­ம­லாக்­கப்­பட்­ட­வர்கள் தொடர்­பான நவாஸ் ஆணை­ய­கத்­தின் அறிக்­கையை அமுல்­ப­டுத்தல்.

* தமிழ் ஈழ விடு­தலைப் புலிகள் உறுப்­­பி­னர்­களை சுய தொழிலில் ஈடு­ப­டுத்த அவர்­க­ளுக்கு புனர்­வாழ்வு அளிப்­ப­தற்­கான நிதி உத­வியை வழங்­குதல்.

இந்தப் படி­மு­றைகள் சம்­ப­வங்கள் குறித்த விசா­ர­ணைகள் வெளிப்­படைத் தன்­மை­யு­டனும் தேசிய மற்றும் சர்­வ­தேச கடப்­பா­டுகள் என்­ப­ன­வுக்­க­மை­யவும் நடத்­தப்­ப­டு­வதை உறு­திப்­ப­டுத்­து­வ­தற்­கான உறு­திப்­பாட்டை பிர­தி­ப­லிக்­கி­றது.

நாட்டை மீட்­ப­தற்கு இந்தப் பிரச்­சி­னை­களை எதிர்­கொண்ட பாதிக்­கப்­பட்­ட­வர்­க­ளுக்கு நீதி கிடைக்கச் செய்­வ­தற்­கான தேவைப்­பாடு எமக்கு உள்­ளது.

கேள்வி:  மோதல் ஒன்று இல்­லாத நிலை­மையில் உங்கள் அர­சாங்கம் குறிப்­பாக பாது­காப்பு வரவு – செலவுத் திட்­டத்தை மொத்த உள்­நாட்டு உற்­பத்­தி­யி­லான அதன் பங்­க­ளிப்பைக் குறைக்கும் வகையில் குறைக்க உத்­தே­சித்­துள்­ளதா?

பதில்: இலங்கை சமா­தா­னத்­துக்கு திரும்­பு­கையில் தேசிய பாது­காப்­பா­னது முன்­னு­ரிமை கொடுக்­கப்­படும் ஒன்­றாக தொடர்ந்து உள்­ளது. இதன் பிர­காரம் நான் நமது நாட்டின் தற்­போ­தைய தேவைப்­பா­டு­க­ளுக்கு அமை­வாக உள்­ளதை உறு­திப்­ப­டுத்த எமது பாது­காப்பு செல­வி­னத்தை கவ­ன­மாக மதிப்­பீடு செய்வேன். மோதல் இல்­லாத நிலைமை அது தொடர்பில் எமது செல­வி­னத்தை மீள் மதிப்­பீடு செய்­வ­தற்­கான வாய்ப்­பொன்றை வழங்­கு­கின்ற போது அது தொடர்­பான எந்­த­வொரு செல­வினக் குறைப்பும் நாட்டின் பாது­காப்பை கவ­னத்தில் எடுத்து மேற்­கொள்­ளப்­படும்.

கேள்வி:  பொது செல­வி­னத்தைக் குறைக்­கவும் வரி­களைக் குறைக்­கவும் அர­சாங்க பணி­யா­ளர்­களின் எண்­ணிக்­கையைக் குறைப்­பது குறித்தும் உங்கள் நிலைப்­பாடு என்ன? தற்­போ­துள்ள 225 பாரா­ளு­மன்ற உறுப்­பி­னர்கள் தொகை தேவை­யா­னது என நீங்கள் நம்­பு­கி­றீர்­களா அல்­லது அந்தத் தொகையை குறைப்­ப­தற்கு ஆத­ர­வ­ளிக்­கி­றீர்­களா?

பதில்: நாம் எமது செல­வி­னத்தை கவ­ன­மாக முகாமை செய்­வ­தற்­குள்ள தேவையை நாம்  கடி­ன­மான வழியில் கற்­ற­றிந்­துள்ளோம். 2022ஆம் ஆண்­டா­னது அர­சாங்­கத்­தினால் நாம் செல­விடும் எதுவும் வேறு எங்­கி­ருந்தும் நிதி­யி­டப்­பட வேண்­டி­யுள்­ளதன் முக்­கி­யத்­து­வத்தை தெளி­வாக ஞாபகப்­ப­டுத்­து­வ­தாக உள்­ளது. இதன் கார­ண­மா­கவே நான் இந்தத் தேர்­தலில் வேட்­பா­ளர்­களால் அளிக்­க­ப்பட்­டுள்ள சில வாக்­கு­று­திகள் குறித்து மிகவும் கவ­லை­ய­டைந்­துள்ளேன். அவர்கள் வரிக்­கு­றைப்பு மற்றும் மானி­யங்கள் குறித்து அவற்றைத் தாம் எவ்­வாறு வழங்கப் போகிறோம் என்ற பொரு­ளா­தாரத் திட்டம் எதுவும் இல்­லாமல்   வாக்­கு­று­தி­ய­ளித்து வரு­கின்­றனர். இது எம்மை 2022ஆம் ஆண்டு எதிர்­கொண்ட நெருக்­க­டிக்குள் நேர­டி­யாக பின்­தள்ளும் என்­பதில் சந்­தே­க­மில்லை. எமது பொரு­ளா­தாரம் எமக்­காக தொழிற்­ப­டு­வ­தையும் இலங்கை மக்­க­ளுக்கு பணத்தை பிறப்­பிப்பதையும் உறு­திப்­ப­டுத்­து­வ­தற்கு கடு­மை­யாக பணி­யாற்­றி­யுள்ளேன். கடனைப் பெறு­வதாலும் இந்தக் கடனை பணத்தை உரு­வாக்­கு­வ­தற்குப் பயன்­ப­டுத்­தாது இருப்­ப­தாலும் எது­வித அர்த்­த­மு­மில்லை. நான் கடனை பணத்தை உரு­வாக்கப் பயன்­ப­டுத்­தினேன். எமது முக்­கிய தொழிற்­று­றை­க­ளுக்கு வலு­வூட்­டவும் நாடு என்ற ரீதியில் பணத்தை உரு­வாக்­கு­வதை உறு­­திப்­ப­டுத்­தவும் சேவை­களில் மேலும் முத­லீட்டை மேற்­கொள்­ளவும் வேண்­டிய தேவை­யுள்ள நிலையில் நாம் எமது பொரு­ளா­தார மீட்­சிக்காக நிதி ஒழுக்­க­வியல் மற்றும் பய­னு­று­திப்­­பாடு ஆகி­ய­வற்றின் கல­வை­யா­க­வுள்ள பொரு­ளா­­தார சீர்­தி­ருத்­த­மொன்றை எதிர்­பார்த்­துள்ளோம்.

மக்கள் கடந்த இரு வருட கால­மாக தியாகம் செய்­துள்­ளனர். அவர்கள் வரியை செலுத்­தி­ய­துடன் கடு­மை­யாக பணி­யாற்றி எமது வளர்ச்­சிக்கு பங்­க­ளிப்பு செய்­துள்­ளனர். அவர்கள் அதற்குப் பதி­லாக பொரு­ளா­தார ஸ்திரத்­தன்மை மற்றும் சிறந்த சேவைகள் என சிலதைப் பார்க்க வேண்­டிய தேவை­யுள்­ளது. நான் ஒவ்­வொரு குடும்­பமும் தமது பிள்­ளைகள் மிகச் சிறந்த சாத்­தி­ய­மான கல்­வியைப் பெற­வுள்­ள­தையும் பாதிக்­கப்­பட்ட குடும்­பங்கள் உட்­பட அனைத்துக் குடும்­பங்­களும் உலகத் தரா­தர சுகா­தார கவ­னிப்பை பெறு­வ­தையும் அறிய விரும்­பு­கிறேன். எதிர்­வரும் 5 ஆண்­டு­க­ளுக்கு வழங்­கப்­ப­டு­ப­வைகள் தொடர்­பான எனது திட்டம் இது­வாகும். எனது இந்தத் திட்­டத்­துடன் நான் பய­னு­று­திப்­பாட்டை மேம்­ப­டுத்தும் சீர்­தி­ருத்­தங்­களை முன்­னெ­டுக்­க­வுள்ளேன். பொது பணி­யா­ளர்­களை மேம்­ப­டுத்­து­வ­தற்­கான வழி­களை நாம் ஆராயும் அதே­ச­மயம் எனது அணு­கு­மு­றை­யா­னது கடு­மை­யான குறைப்­பு­களில் அல்­லாது மாறாக உற்­பத்­தித்­தி­றனை விரி­வாக்கம் செய்­வது மற்றும் அத்­தி­யா­வ­சி­ய­மற்ற செல­வி­னங்­களைக் குறைப்­பது என்­பன­வற்றில் கவனம் செலுத்தும். சேவை­களைக் குறைப்­பது எம்மை முன்­னோக்கி கொண்டு செல்லப் போவ­தில்லை. நாம் செயல் திறன்கள் மற்றும் தொழில்­நுட்­பங்­க­ளி­னூ­டாக வளங்­களை அதி­கப்­ப­டுத்தும் வழியைக் கண்­ட­றி­ய­வுள்ளோம். பாரா­ளு­மன்ற உறுப்­பி­னர்­களின் எண்­ணி­கைக்கு அமைய மேலும் பய­னு­று­திப்­பாடு மிக்க பாரா­ளு­மன்ற முறை­மையை உரு­வாக்க முடியும் என நான் நம்­பு­கி­றேன. ஆனால் இது தொடர்பில் கவ­ன­மாக பரி­சீ­லிக்க வேண்­டிய தேவை­யுள்­ளது. பாரா­ளு­மன்ற உறுப்­பி­னர்கள் தமது சமூ­கங்­களை பிர­தி­நி­தித்­துவம் செய்­கின்­றனர்.  ஒவ்­வொரு சமூ­கத்­துக்கும் சரி­யான பிர­தி­நி­தித்­துவம் தேவை­யா­க­வுள்­ளது என நான் நம்­பு­கிறேன். இது ஜன­நா­ய­கத்தின் ஒரு தூணாகும்.  சிறு­பான்­மை­யி­னரின் குரல் செவி­ம­டுக்­கப்­பட வேண்டும். பாதிக்­கப்­படும் நிலை­யி­லுள்­ள­வர்­களின் குரல் கேட்­கப்­பட வேண்டும். பாரா­ளு­மன்ற உறுப்­பி­னர்கள் தமது சமூ­கங்­களை சரி­யான முறையில் பிர­தி­நி­தித்­துவம் செய்து அவர்­களின் நலன்­க­ளுக்­காக செயற்­படக் கூடி­ய­வர்­க­ளாக இருப்­பதை நாமும் உறு­திப்­ப­டுத்த வேண்­டிய தேவை­யுள்­ளது. கவ­ன­மாக பரி­சீ­லனை செய்­யாது பாரா­ளு­மன்ற உறுப்­பி­னர்­களின் எண்­ணிக்­கையை வெறு­மனே குறைப்­பதால் சிறு­பான்­மை­யி­ன­ரதும் எமது சமூ­கத்­தி­லுள்ள பாதிக்­கப்­படக் கூடி­ய­வர்­க­ளதும் குரல்கள் வரை­ய­றுக்­கப்­ப­டலாம்.

கேள்வி: நிறை­வேற்­ற­தி­கார ஜனா­தி­பதி முறை­மையை ஒழிப்­ப­திலும் பாரா­ளு­மன்ற முறை­மைக்கு ஆட்­சியை மீள மாற்­று­வதும் தொடர்பில் உங்கள் நிலைப்­பாடு என்ன?

பதில்:  நான் அர­சி­ய­ல­மைப்பு சீர்­தி­ருத்­தத்­துக்கும் நிறை­வேற்று ஜனா­தி­பதியின் அதி­கா­ரங்­களைக் குறைப்­ப­தற்கும் ஆத­ர­வ­ளிக்­கிறேன். ஆயினும் நிறை­வேற்று ஜனா­தி­பதி முறை­மையை முற்­றிலும் ஒழிப்­பது என்­பது மிகச் சிறந்த நட­வ­டிக்­கை­யாக அமை­யாது என நம்­பு­கிறேன். நாம் அதி­கார சம­நி­லையை உறு­திப்­ப­டுத்தி ஜனா­தி­பதி முறை­மையை பொது மக்­களின் தேவை­க­ளுக்கு மேலும் பொறுப்புக் கூறு­வ­தாக மற்றும் பொறுப்­பேற்­ப­தாக மாற்ற சம­நி­லையை உறு­திப்­ப­டுத்­து­வ­தற்­கான சீர்­தி­ருத்­தங்கள் குறித்து கவனம் எடுக்க வேண்­டி­யுள்­ளது.

கேள்வி: நீங்கள் ஜனா­தி­ப­தி­யாக தெரிவு செய்­யப்­பட்டால் சர்­வ­தேச நாணய நிதி­யத்தால் நிர்­ண­யிக்­கப்­பட்ட கட்­ட­மைப்­புக்குள் தொடர்ந்து பணி­யாற்­று­வீர்­களா? சர்­வ­தேச நாணய நிதி­யத்தின் நிபந்­த­னை­க­ளுக்கு அமை­வாக செயற்­படும் அதே­ச­மயம் பொது­மக்­க­ளுக்கு நிவா­ரணம் வழங்க எவ்­வாறு திட்­ட­மிட்­டுள்­ளீர்கள்? மின்­சாரம், தண்ணீர், எரி­வாயு போன்ற பயன்­பாட்டு சேவைகள் இலா­பத்­துக்­காக செயற்­பட வேண்டும் என்­ப­திலா அல்­லது அவை வெறு­மனே செல­வி­னங்­களை ஈடு­செய்­வது என்­ப­திலா நீங்கள் நம்­பிக்கை கொண்­டுள்­ளீர்கள், அத்­துடன் பொது போக்­கு­வ­ரத்­துகள் மற்றும் ஸ்ரீலங்கன் எயார்லைன்ஸ் என்­ப­னவற்­றி­லான தவ­றான முகா­மைத்­துவம் குறித்து நீங்கள் எவ்­வாறு எடுத்­து­ரைக்­க­வுள்­ளீர்கள்?

பதில்:  ஆம். நான் சர்­வ­தேச நாணய நிதி­யத்தின் உடன்­ப­டிக்­கையை பெற கடு­மை­யாக பாடுபட்டேன். நெருக்­கடி ஏற்­பட்ட போது ஒவ்­வொ­ரு­வரும் பொறுப்­பி­லி­ருந்து விலகிச் சென்­றனர். ஆனால் நான் இலங்­கைக்­கான உடன்­ப­டிக்­கை­யொன்றைப் பெறு­வ­தற்கு எனக்கு சர்­வ­தேச தொடர்­புகள் உள்­ளதை அறிந்­தி­ருந்தேன். இது எமது நாட்­டையும் எமது பொரு­ளா­தா­ரத்­தையும் மீட்­ப­தற்கு முக்­கி­ய­மா­க­வி­ருந்­தது. ராஜபக் ஷக்கள் எமது பொரு­ளா­தா­ரத்தை சரியச் செய்­ததால் பண­வீக்கம் கார­ண­மாக உணவின் விலைகள் உயர்ந்­த­துடன் எம்மால் எரி­பொருள் போன்ற முக்­கிய­மா­ன­வற்றை இறக்­கு­மதி செய்ய முடி­யாமல் போனது. சர்­வ­தேச நாணய நிதி­யத்­து­ட­னான உடன்­ப­டிக்கை எமக்கு ஒரு அத்­தி­வா­ரத்தைத் தந்­தது. வாழ்க்கைச் செல­வினம் உயர்­வாக உள்­ளது. ஆனால் அது கீழி­றங்கி வரு­கி­றது. நாம் சர்­வ­தேச நாணய நிதி­யத்­துடன் இணைந்து செயற்­ப­டா­விட்­டி­ருந்தால் இது இன்னும் உயர்­வாக இருந்­தி­ருக்கும். இது எமக்கு மிகவும் தேவை­யான பணத்தை வழங்­கி­யது. நாம் சர்­வ­தேச நாணய நிதி­யத்­து­ட­னான எமது கட­மை­களை புறக்­க­ணிக்­கவோ அல்­லது 2022ஆம் ஆண்­டி­லான குழப்­ப­நி­லை­க­ளுக்கு மீளவும் செல்­லவோ முடி­யாது.  அதனால் எமது அர­சாங்கம் சர்­வ­தேச நாணய நிதி­யத்தால் நிர்­ண­யிக்­கப்­பட்ட கட்­ட­மைப்­புக்குள் தொடர்ந்து பணி­யாற்றும். அதே­ச­மயம் இது தொடர்பில் பொது­மக்­க­ளுக்­கான நிவா­ர­ணங்கள் குறித்த எமது உறு­திப்­பாட்டை சம­நி­லை­யுடன் கையாள்­வதை நாம் உறு­திப்­ப­டுத்­த­வுள்ளோம். எமது நிதி நிலை­மையை எமது நாட்­டுக்குள் பணம் மேலும் வரு­வதை உறு­திப்­ப­டுத்­து­வ­தற்கு பொரு­ளா­தார வளர்ச்­சியை நோக்கி முன்­னெ­டுக்க நாம் எவ்­வாறு பயன்­ப­டுத்­து­வது என்­பதில் எமது முன்னேற்றத்துக்கு சர்வதேச நாணய நிதியத்தின் உடன்படிக்கையைப் பயன்படுத்துவது முக்கியமானதாகும். அதைச் சுற்றியே எனது பொருளாதரத் திட்­டம் கட்டமைக்கப்பட்டுள்ளது. எமது தொழிற்­றுறைகளின் உற்பத்தித் திறனை அதிகரித்தல், ஏற்றுமதிகளை வலுப்படுத்தல், சுற்றுலாத்துறையை மேம்படுத்தல், எமது விவ­சாயத்துறையின் பெறுமதியைக் கட்டமைத்தல் என்பனவே அவையாகும். அவை ஏற்கனவே ஆரம்பிக்கப்பட்டு பெருமளவு பணத்தை எமது நாட்டுக்கு கொண்டு வந்துள்ளதுடன் அவை சிறப்பாக ஊதியம் தரும் தொழில்களை உருவாக்கி எமது மக்களின் சட்டைப் பைகளில் பணத்தை கொண்டு வந்துள்ளன. அது எமக்கு வரிகளைக் குறைக்க உதவவுள்ளது. அத்துடன் அது வாழ்க்கைச் செலவினத்தையும் குறைக்கவுள்ளது. எமது சர்வதேச நாணய நிதிய உடன்படிக்கையானது அந்தத் திட்டத்தை நாம் பின்பற்றும் பட்சத்தில் அது நமக்காக மட்டுமே செயலாற்றும். எவராவது இந்த உடன்படிக்கையை மாற்ற அல்லது இல்லாது செய்யப்போவதாக கூறுவார்களானால், அது நாம் மீண்டும் பொருளாதார சரிவையும் உயர் பணவீக்கத்தையும் நீண்ட வரிசைகளுக்கும் திரும்புவதற்கு உத்தரவாதமளிக்கும். மின்­­சாரம் மற்றும் தண்ணீர் போன்ற பயன­்­­பாட்டு சேவைகள் இலாபம் நோக்கி முன்னெ­டுக்­கப்­படக்கூடாது என நம்புகி­றேன். ஆனால் அந்த சேவைகளை அனை­வரும் பெற்றுக்கொள்ளக் கூடியதாக இருப்ப­தற்கு அவை செல­வினங்­களை ஈடு செய்வ­தாக செய்ய வேண்டியுள்ளது. அதிக செலவினத்தால் மக்கள் சிரமப்பட்டு வருகின்­றனர். அதனால் மின்சாரம் போன்ற முக்கிய சேவைகள் அனைவரும் பெறக் கூடி­யன­வாக இருப்பதை உநுதிப்படுத்த முன்னடி­­யெடுத்து வைப்புகளை எடுக்க வேண்டி தேவை எமக்குள்ளது. பொது போக்கு­வ­ரத்து மற்றும் ஸ்ரீலங்கன் எயார்­லைன்ஸி­லான தவ­­றான முகாமைத்துவம் என்­பன தொடர்­பில் பயனுறுதிப்பாட்டை மேம்­படுத்து­வ­தற்கு மீளவடிவமைப்பதனூடாக நடவடிக்கை எடுக்கப்படும். வரிகளினூடாக அரசாங்கத்­துக்கு சொந்தமான சொத்துகளால் பாடுபட்டு பணியாற்றும் மக்கள் மானியங்­களை இழப்­பதை அனுமதிக்க முடியாது.

கேள்வி: மலை­யக தமிழ் சமூகம் குறிப்­பி­டத்­தக்க சமூக பொரு­ளா­தார சவால்­களை எதிர்­கொண்­டுள்­ளது. இந்­நி­லையில் உங்கள் அர­சாங்­க­மா­னது அவர்­க­ளது ஊதி­யங்கள், நில உரி­மைகள், வீட­மைப்பு, சுகா­தார, கல்வி அபி­வி­ருத்தி போன்ற அடிப்­படை வச­தி­களை பெற்றுக் கொள்ளல் என்­பன தொடர்பில் எதிர்­வரும்  ஐந்து ஆண்­டு­க­ளுக்கு குறிப்­பி­டத்­தக்க வகையில்  என்ன நட­வ­டிக்­கை­களை எடுக்­க­வுள்­ளது?

பதில்: இது குறிப்­பிடவேண்­டிய முக்­கிய பிரச்­சி­னை­யொன்­றாகும். அதனால் எதிர்­வரும் 5 ஆண்­டு­க­ளுக்கு மலை­யக தமிழ் சமூ­கத்தின் வாழ்­வா­தா­ரங்­களை மேம்­ப­டுத்­து­வது தொடர்பில் கவனம் செலுத்தும் திட்டம் ஒன்று என்­னி­ட­முள்­ளது. அது ஊதி­யங்­களை அதி­க­ரித்தல், காணி உரி­மை­களைப் பாது­காத்தல் மற்றும் வீட­மைப்பு, சுகா­தார கவ­னிப்பு மற்றும் கல்வி போன்ற அத்­தி­யா­வ­சிய சேவை­களை பெறு­வதை மேம்­ப­டுத்தல் என்­ப­வற்றை உள்­ள­டக்­கி­யுள்­ளது. நாம் அந்த சமூகம் நீண்ட கால­மாக எதிர்­கொண்டு வரும் சமூக பொரு­ளா­தார சவால்கள் குறித்து நட­வ­டிக்கை எடுக்க உறு­திப்­பாட்­டுடன் உள்ளோம்.

உதா­ர­ணத்­துக்கு பொரு­ளா­தார அபி­வி­ருத்தித் திட்­டங்­க­ளி­னூ­டாக மலை­யக தமிழ் சமூ­கத்தின் பொரு­ளா­தாரக் வாய்ப்­பு­களை ஊக்­கு­விப்­பதை அர­சாங்கம் நோக்­காகக் கொண்­டுள்­ளது. அது வீதிகள், சந்­தைகள், பொரு­ளா­தார செயற்­பா­டு­க­ளுக்­கான வச­திகள், பிராந்­தி­யத்­துக்கு முத­லீட்டை ஈர்த்தல் என்­ப­வற்றை உள்­ள­டக்­கி­யுள்­ளது.

கல்வி மற்றும் திறன்­க­ளுக்­கான பயிற்சி. கல்வி வச­தி­களை விரி­வு­ப­டுத்தி மலை­யக இளை­ஞர்­களை வலு­வூட்ட தொழில் பயிற்­சி­களை வழங்­கு­வ­தற்­கான முயற்­சிகள் மேற்­கொள்­ளப்­பட்டு வரு­கின்­றன. தரா­மான கல்­வியைப் பெறு­வதை மேம்­ப­டுத்­து­வது, திறன்கள் அபி­வி­ருத்­தி­யி­னூ­டாக மேலும் வேலை­வாய்ப்­பு­களை உரு­வாக்­கவும் வறு­மையைக் குறைக்­கவும் அர­சாங்கம் நம்­பிக்கை கொண்­டுள்­ளது.

சுகா­தார கவ­னிப்பை மேம்­ப­டுத்தல்: மலை­யக சமூ­கத்­துக்­கான சுகா­தார வச­தி­க­ளையும் சேவை­க­ளையும் தர­மு­யர்த்த கவனம் செலுத்­தப்­பட்டு வரு­கி­றது. இது அத்­தி­யா­வ­சிய மருந்­துகள் கிடைப்­ப­தையும்  பிராந்­தி­யத்­துக்­கான மருத்­துவ உத்­தி­யோ­கத்­தர்­களின் எண்­ணிக்­கையை அதி­க­ரிப்­ப­தையும் உறு­திப்­ப­டுத்­து­வ­தற்கு மருத்­து­வ­ம­னை­க­ளையும் மருத்­துவ நிலை­யங்­க­ளையும் நிர்­மா­ணித்தல் மற்றும் புதுப்­பித்தல் என்­ப­வற்றை  உள்­ள­டக்­கி­யுள்­ளது.

வீட­மைப்பு மற்றும் வாழ்க்கை நிலை­மைகள்: அர­சாங்­க­மா­னது வீட­மைப்பு திட்­டங்­களில் முத­லீடு செய்தல் மற்றும் ஏற்­கெ­ன­வே­யுள்ள உட்­கட்­ட­மைப்பை தர­மு­யர்த்தல் என்­ப­வற்­றி­னூ­டாக வாழ்க்கை நிலை­மை­களை மேம்­ப­டுத்­து­வ­தற்கு திட்­டங்கள் உள்­ளன.

சமூக பங்­கு­பற்றல் மற்றும் வலு­வூட்டல்: முக்­கி­யத்­துவம் மிக்க தீர்­மானம் எடுக்கும் செயற்­கி­ர­மங்­களில் சமூக பங்­க­ளிப்பை ஊக்­கு­வித்தல் தந்­தி­ரோ­பா­யத்தின் முக்­கிய பாக­மா­க­வுள்­ளது. மலை­யக தமிழ் சமூ­கத்தின் வாழ்வைப் பாதிக்கக் கூடிய அபி­வி­ருத்தித் திட்­டங்­க­ளிலும் அவற்றின் நிறை­வேற்­றத்­திலும் மலை­யக தமிழ் சமூ­கத்தின் குர­லொன்று இருப்­பதை உறு­திப்­ப­டுத்த அர­சாங்கம் பணி­யாற்றி வரு­கி­றது.

கலா­சா­ரத்தை பேணல்: மலை­யக தமிழ் சமூ­கத்தின் கலா­சார பாரம்­ப­ரி­யத்தை பேணு­வ­தற்கும் ஊக்­கு­விப்­ப­தற்கும் அதனை அடை­யாளம் கண்டு ஊக்­கு­விப்­ப­தற்­கான முக்­கி­யத்­து­வத்தை அங்­கீ­க­ரிக்­கவும் வலி­யு­றுத்­தப்­ப­டு­கி­றது. இந்த பூர்­வாங்க நட­வ­டிக்­கை­கள் மலை­யக தமிழ் சமூ­கத்தின் தேவை­களை குறிப்­பி­டு­வ­துடன் பரந்­த­ள­­வான அனைத்­தையும் உள்­ள­டக்­கிய அபி­வி­ருத்தி தந்­தி­ரோ­பா­யங்­க­ளி­னூ­டாக அவர்­க­ளது வாழ்க்கைத் தரா­த­ரத்தை மேம்­ப­டுத்­து­வதை பிர­தி­ப­லிக்­கி­றது.

கடும் பொரு­ளா­தார நெருக்­கடி மற்றும் உயர் வாழ்க்கைச் செல­வினம் என்­ப­வற்­றி­லி­ருந்து நாம் மீண்டு வரும் இந்த நேரத்தில் மக்கள் உயிர் வாழவும் அவர்கள் நிதி­யியல் ரீதி­யாக பாது­காப்­பாக இருப்­ப­தையும் உறு­திப்­ப­டுத்­து­வது எமது கட­மை­யாகும். எனது திட்­டத்தின் கீழ் நான் முன்­னெ­டுத்த வைகள் உணவு மற்றம் எரி­பொருள் செலவைக் குறைத்து வரு­கி­றது. உதா­ர­ணத்­துக்கு 2022ஆம் ஆண்­டி­லான உச்சபட்ச விலை­யி­லி­ருந்து பருப்­பா­னது 50 சத­வீ­தத்தால் வீழ்ச்­சி­ய­டைந்து 300 ரூபா­வா­கவும் மாவா­னது 30 சத­வீ­தத்தால் குறைந்து 207 ரூபா­வா­கவும் பால் மா 23 சத­வீ­தத்தால் குறைந்து 950 ரூபா­வா­கவும் டீசல் 33 சத­வீ­தத்தால் குறைந்து 307 ரூபா­வா­கவும் மின்­சாரக் கட்­ட­ணங்கள் 50 சத­வீத்­தாலும் குறை­வ­டைந்­தன. மலை­நாட்­டி­லுள்ள பெருந்­தோட்டத் தொழி­லா­ளர்­க­ளுக்கு ஸ்மார்ட் விவ­சாய முறை­மையை அறி­மு­கப்­ப­டுத்தி அவர்கள் மேலும் வரு­மானம் பெறு­வதை உறு­திப்­ப­டுத்த திட்­ட­மொன்று என்­னி­ட­முள்­ளது. இது எமது பெருந்­தோட்­டங்­க­ளி­லான உற்­பத்தித் திறன்­களை மேம்­ப­டுத்தி ஊதி­யங்­களை அதி­க­ரிப்­ப­தாற்­கான வரு­மா­னங்­களை உரு­வாக்கும். எனது திட்­டத்தின் மூலம் பெருந்­தோட்­டத்­தொ­ழி­லா­ளர்­களின் சட்­டைப்­பை­களை மேலும் பணம் வந்­த­டையும். இது ஒரு வாக்­கு­று­தி­யாகும்.

கேள்வி: ஊழ­லா­னது நாட்டில் பல்­வேறு துறை­க­ளிலும் பர­வ­லாகக் காணப்­ப­டு­கி­றது.  இதற்கு எதி­ராக போராட உங்கள் அர­சாங்கம் என்ன பொறி­மு­றை­களை ஸ்தாபித்­துள்­ளது? பொது நிதி­களைத் தவ­றாகக் கையாண்டு பொரு­ளா­தார நெருக்­க­டிக்கு பங்­க­ளிப்புச் செய்த அர­சி­யல்­வா­திகள் மற்றும் உத்­தி­யோ­க­தர்­க­ளுக்கு எதி­ராக நட­வ­டிக்கை எடுப்­பீர்­களா, அதற்கு மேல­தி­க­மாக அத்­த­கைய பொரு­ளா­தர குற்­றங்­களை மேற்­கொண்ட தனி­ந­பர்­களை பொறுப்புக் கூற­வைப்­பீர்­களா?

பதில்: நான் தலையைத் திருகத் திட்­ட­மிட்­டுள்ள பிர­தான பிரச்­சி­னை­களில் ஒன்­றாக ஊழல் உள்­ளது.  எனது அர­சாங்கம் விசா­ரணை செய்­யவும் ஊழல் செயற்­பா­டு­களில் சம்­பந்­தப்­பட்­ட­வர்­க­ளுக்கு எதி­ராக வழக்குத் தொட­ரவும் சுயா­தீன அமைப்­பு­க்களை ஸ்தாபிக்­க­வுள்­ளது. எனது பார்­வையின் கீழான தவ­றான செயற்­பாடு குறித்து சகிப்­புத்­தன்மை காண்­பிக்கப் போவ­தில்லை என்­பதில் நான் தெளி­வா­க­வுள்­ளேன். நான் தவ­றான செயற்­பா­டுகள் மற்றும் ஊழ­லுக்கு எதி­ராக வழக்குத் தொடர்­வ­தற்கு எமது நீதி­மன்­றங்­க­ளதும் நீதி­மு­றை­மை­யி­னதும் வலி­மையில் நம்­பிக்கை கொண்­டுள்ளேன். அதன் கார­ண­மா­கவே இலங்கை ஒரு­போதும் காணாத பரந்­த­ள­வான ஊழ­லுக்கு எதி­ரான கட்­ட­மைப்­பான புதிய ஊழ­லுக்கு எதி­ரான சட்­டம் அறி­மு­கப்­ப­டுத்­தப்­பட்­டுள்­ளது.

அத்­துடன் நான் பொது வளங்­களை கையாளும் அர­சாங்­கத்தின் எந்தப் பிரி­விலும் ஊழல் இடம்­பெ­று­வதை குறைக்க பொது சொத்து முகா­மைத்­துவ சட்­டத்­தையும் அறி­மு­கப்­ப­டுத்­தி­யுள்ளேன். அர­சி­யல்­வா­திகள் மற்றும் உத்­தி­யோ­கத்­தர்­களை விசே­ட­மாக பொது நிதி­களை தவ­றாக கையாண்டு பொரு­ளா­தார நெருக்­க­டிக்கு பங்­க­ளிப்புச் செய்­த­வர்­களை பொறுப்புக் கூற வைப்­பதில் உறு­தி­யுடன் உள்ளேன். பொரு­ளா­தார குற்­றங்கள் என வரும்போது எவரும் சட்­டத்­துக்கு மேலா­ன­வர்கள் அல்லர். நீதியை அதன் போக்கில் செயற்­பட அனு­ம­தித்து பொது உத்­தி­யோ­கத்­தர்­களை பொறுப்புக் கூற வைப்­பதை நான் செயலில் காண்­பித்­துள்ளேன். அதற்கு முக்­கிய அர­சி­யல்­வா­தி­யான கெஹெ­லிய ரம்­புக்­வெ­லல்ல சம்­பந்­தப்­பட்ட வழக்கு ஒரு உதா­ர­ண­மாகும்.

உதா­ர­ணத்­துக்கு நான் ரம்­புக்­வெல்ல ஏனைய எந்­த­வொரு பொது உத்தியோகத்தர் போலவும் விசாரணைக்குட்படுவதையும் ஏதாவது தவாறன நடத்தை தொடர்­பான குற்றச்சாட்டுக்கள் இருப்பின் நீதித்துறை ஆய்வை மேற்­­கொள்வதையும் உறுதிப்படுத்தியதன் மூலம் சட்ட செயற்கிரமங்களுக்கு ஆதரவளித்தேன். எனது அரசாங்க­மானது பொறுப்புக்கூறல் கொள்­கையை கடைபிடித்ததன் மூலம் சட்டத்தின் ஆட்சியை அமுல்படுத்து­வதையும் அரசாங்கத்துக்குள் வெளிப்­படைத்தன்மையை ஊக்குவிப்பதையும் நோக்காகக் கொண்டுள்ளது.

இந்த அணுகுமுறையானது ஆளுகையை வலுப்படுத்துவதற்கும் பொது உத்தியோகத்தர்களை அவர்களது நடவடிக்கைகளுக்குப் பொறுப்புக்கூற வைப்பதன் மூலம் பொது மக்களின் நம்பிக்கையை மீள ஏற்படுத்துவதற்குமான பரந்தளவான தந்திரோபாயமொன்றை பிரதிபலிப்பதாக உள்ளது. ஜனநாயக கொள்கைகளை பேணுவதற்கான எனது உறுதிப்பாட்டையும் அரசாங்­கத்துக்குள் பொறுப்புக்கூறல் கலா­சாரம் மற்றும் ஒருங்கிணைப்பை ஊக்குவிப்பதற்குமான ஏற்பாடாக இது உள்ளது.

கேள்வி: மத ரீதி­யான சிறு­­பான்­மை­யினர் ஒழுங்­கு­­மு­றை­யி­லான ஒடுக்­கு­மு­றைகள் மற்­­றும் வன்­மு­றை­களை எதிர்­கொண்டு வரு­கின்­­றனர். உங்கள் அர­சாங்­கம்­ மத நல்­லி­ணக்­கத்தை பாது­காத்து அத்­த­கைய சம்­ப­வங்கள் எதிர்­கா­லத்தில் இடம்­பெ­று­வதைத் தடுக்கும் என்­ப­தற்கு உங்­களால் வழங்­கப்­பட முடி­யு­மான உறு­திப்­பா­டுகள்  எவை?

பதில்: மத நல்­லி­ணக்­கத்தை பாது­காத்தல் என்னால் முன்­னு­ரிமை கொடுக்­கப்­படும் ஒன்­றாகும். மத சிறு­பான்­மை­யி­ன­ருக்கு எதி­ராக  மேற­்­கொள்­ளப்­படும் வன்­மு­றைகள் மற்றும் ஒடுக்­கு­மு­றைகள் என்­ப­வற்றைத் தடுக்க எனது அர­சாங்கம் காத்­தி­ர­மான நட­வ­டிக்­கை­களை எடுக்­கும்­ என்­பதை நான் உங்­க­ளுக்கு  உறு­திப்­ப­டுத்­து­கிறேன்.

அனைத்து மத சமூ­கத்­தி­னரும் சட்ட ரீதியில் பாது­காப்பு பெற்று அமை­தி­யாக வாழக் கூடிய அவை­ரையும் உள்­ள­டக்­கிய சமூ­க­மொன்றை உரு­வாக்­கவும் சமூக பூர்­வாங்க முயற்­சி­க­ளுக்­கும் பணி­யாற்­ற­வுள்ளோம்.  இலங்­கையில் மத நல்­லி­ணக்­கத்தை பாது­காக்­கவும் ஊக்­கு­ ­விக்­க­­­வும் நான் பல முன்னெடுப்புகளை மேற்­­கொண்­டுள்ளேன்.

மதங்­க­ளுக்­கி­டை­யி­லான கலந்­து­ரை­யாடல்: புரிந்­து­ணர்வு வேறு­பட்ட மத சமூ­கங்­க­ளுக்­கி­டையில் புரிந்­து­ணர்வு மற்றும் சமா­தா­னத்தை  ஊக்­கு­விக்க மேற்­கொள்ளும் பூர்­வாங்க நட­வ­டிக்­கை­ளுக்கு ஆத­ர­வ­ளித்து பங்­கேற்­றுள்­ளேன்.

மத தலங்­க­ளுக்கு ஆத­ரவு: எனது அர­சாங்கம் மதத் தலங்­களை பேணு­வ­தற்கும் பல்­வேறு மத விழாக்­களைக் கொண்­டா­டு­வ­தற்கும் ஆத­ர­வ­ளி­க்­கி­றது.

தீவி­ர­வாத்­த­துக்கு கண்­டனம்: நான் மதத் தீவி­ர­வாதம் மற்றும் வன்­முறை என்­ப­வற்­றுக்கு ன் கண்­டனம் தெரி­விப்­ப­துடன் சகிப்­புத்­தன்­மைக்­கான செய்­தியை வலுப்­ப­டுத்­து­கிறேன்.

சட்ட நட­வ­டிக்கை: எனது அர­சாங்கம் ஒடுக்­கு­மு­றை­களைத் தடுக்­கவும் மத சுதந்­தி­ரங்­களைப் பாது­காக்­கவும் கொள்­கை­களை அமு­லாக்கி வந்­துள்­ளது.

தாக்­கு­த­லுக்கு பதி­ல­ளிப்பு: மத ரீதியாக சமூ­­கங்கள் மீதான தாக்­கு­தல்கள் குறித்து கவ­­னத்தில் எடுத்து விசா­ரணை செய்­வதில் துரித நட­வ­டிக்கை எடுக்­க­பப்­பட்­டது.

கல்­வி­யியல் பிர­சா­ரங்கள்: மத சகிப்­புத்­தன்மை மற்றும் மரி­யா­தையை  ஊக்­கு­விப்­ப­தற்­கான பிர­சா­ரங்­க­ளுக்கு  அர­சாங்கம் ஆத­ரவு.

இந்த நட­வ­டிக்­கைகள் மத நல்­லி­ணக்கம் தொடர்பில் ஊக்­கு­விப்­ப­தற்­கா­னதும் மத சமூ­கங்­களின் உரி­மை­களை பாது­காப்­ப­தற்­கு­மான எனது உறு­திப்­பாட்டை செயலில் காண்­பித்­துள்­ளன.

கேள்வி: சட்­ட­வி­ரோத போதை­வஸ்து பாவனை  மற்றும் ஆட்­க­டத்­தல்கள் அதி­க­ரித்­­­துள்­­ளமை எமது சிறு­வர்கள் மற்றும் இளை­ஞர்­க­­ளுக்கு அச்­சு­றுத்­தலை அதிகரித்துள்­ளது. இதில் பாதாள உலக குழுக்­களும் அர­சி­யல்­வா­தி­களும் சம்­பந்­தப்­பட்­டுள்­ள­தாக பொது­மக்கள்  நம்­பு­கி­றார்கள்.  இந்­நி­லையில் அவற்றை முறி­ய­டிக்­கவும்  சட்­டத்தின் ஒழுங்கை நிலை­நாட்­டவும் குறிப்­பி­டத்­தக்க வகையில் என்ன நட­வ­டிக்­கை­களை நீங்கள் அமுல்­ப­டுத்­த­வுள்­ளீர்கள்?

பதில்: சட்­ட­வி­ரோத போதை­வஸ்து  பாவனை மற்றும் ஆட்­க­டத்தல்: சட்­ட­வி­ரோத போதைப்­பொருள் பாவ­னையும் ஆட்­க­டத்­தலும் எச்­ச­ரிக்கை செய்யும் அள­வுக்கு அதி­க­ரித்­துள்­ளன. நான் இந்த விட­யங்­க­ளுக்கு எதி­­ராக போராட முழு­மை­யான உறு­திப்­பாட்­டுடன் உள்ளேன். எனது அர­சாங்கம் இது தொடர்பில் பல­மான சட்ட அமு­லாக்க நட­வ­டிக்­கை­களை முன்­னெ­டுக்கவுள்­ளது. 2025ஆம் ஆண்டில் நாம் போதை­வஸ்து பாவ­னையை கட்­டுப்­ப­டுத்­து­வ­தி­லி­ருந்து போதை­வஸ்­துக்கு அடி­மை­யா­ன­வர்­க­ளுக்கு புனர்­வாழ்வு  அ­ளிப்­பது வரை பரந்­த­ள­வி­லான போதை­வஸ்­துக்கு எதி­ரான கட்­டளைத் தலை­மை­ய­கத்தை ஸ்தாபிக்க சட்­ட­மூ­ல­மொன்றை கொண்டு வர­வுள்ளோம்.

கேள்வி:  இலங்­கை­யா­னது இலத்­தி­ர­னியல், மருத்­து­வ­மனை மற்றும் பிளாஸ்டிக் கழி­வுகள் உள்­ள­டங்­க­லாக வெளி­நாட்டுக் கழி­வு­களால் கடு­மை­யான சுற்­றுச்­சூழல் நெருக்­க­டி­களை எதிர்கொண்­டுள்­ளது. இந்த சுற்­றுச்­சூழல் சாவல்கள் தொடர்பில் குறிப்­பி­டவும் கால­நிலை மாற்ற விளை­வு­களை தணி­விக்­கவும் உங்கள் அர­சாங்கம் என்ன காத்­தி­ர­மான திட்­டங்­களை வைத்­துள்­ளது?

பதில்: ஒரு தீவு என்ற வகையில் ஏனைய பல நாடு­களை விடவும் கால­நிலை மாற்ற விளை­வு­களை அதி­க­ளவில் நாம் எதிர்­கொண்டு வரு­கிறோம். நாம் இது தொடர்பில் உள்­நாட்டில் நட­வ­டிக்­கை­களை முன்னெடுப்பது அவசியமாகும். அத்துடன் நாம் உலக மேடையில் இலங்கை போன்ற நாடுகளின் உரிமைகளுக்காக பிரசாரம் செய்து வருகிறோம்.வெளிநாட்டுக் கழிவுகளை இந்நாட்டில்கொட்டுவதற்கு எதிராக எனது அரசாங்கம் கடுமையான கொள்கைகளை நடைமுறைப்படுத்தவுள்ளது. அதேசமயம் காலநிலை மாற்ற பிரச்சினைகளை தணிப்பதற்கான நீண்ட காலத் திட்டங்களிலும் இணையவுள்ளோம். 2030 ஆம் ஆண்டுக்குள் புதுப்பிக்கக்கூடிய சக்தி வளங்கள் மூலம் இலங்கையின் 70 சதவீத மின்சக்தித் தேவைப்பாட்டை பூர்த்தி செய்வதற்கான திட்டமொன்றும் உள்ளது.

கேள்வி: இளை­ஞர்­க­ளுக்கு வேலை­வாய்ப்­புக்­களை, குறிப்­பாக உயர் திற­மை­யான வேலை­களை உரு­வாக்­கு­வ­தற்­கான உங்கள் உத்­திகள் எவை? இளை­ஞர்கள் மத்­தியில் எத்­த­கைய திறன்கள் அவ­சி­ய­மா­னவை என நீங்கள் கரு­து­கின்­றீர்கள்? அவற்றை மேம்­ப­டுத்­து­வ­தற்கு எத்­த­கைய நட­வ­டிக்­கை­களை முன்­னெ­டுப்­பீர்கள்?

பதில்: குறிப்­பாக இளை­ஞர்­க­ளுக்­கான வேலை­வாய்ப்­புக்­களை உரு­வாக்­கு­வது நான் அதிக முன்­னு­ரிமை அளித்­தி­ருக்கும் விட­யங்­களில் ஒன்­றாகும். அதற்­க­மைய அடுத்த 5 வரு­டங்­களில் 100,000 க்கும் மேற்­பட்ட வேலை­வாய்ப்­புக்­களை உரு­வாக்­குவேன் என நான் ஏற்­க­னவே அறி­வித்­தி­ருக்­கிறேன். அவை­ய­னைத்தும் உயர் ஊதியம் வழங்­கப்­படும் வேலை­வாய்ப்­புக்­க­ளா­கவே காணப்­படும். எமது நாடு தனித்­து­வத்­தி­றமை வாய்ந்த இளை­ஞர்­களைக் கொண்­டி­ருப்­ப­துடன், நாட்டின் பொரு­ளா­தா­ரத்தின் நிலை­மாற்­றத்தை முன்­ன­கர்த்­திச்­செல்­வ­தற்கு அவர்­களின் திற­மையைப் பயன்­ப­டுத்­து­வதே எனது திட்­ட­மாகும். எனது பொரு­ளா­தார செயற்­திட்­ட­மா­னது அதிக வரு­மா­னத்தை ஈட்­டக்­கூ­டி­யதும், திறன்­மிக்க ஊழி­யர்­க­ளுக்­கான உயர் ஊதி­யத்தை வழங்­கக்­கூ­டி­ய­து­மான முக்­கிய துறை­களை நவீ­ன­ம­யப்­ப­டுத்தல், பொரு­ளா­தா­ரத்தை டிஜிட்டல் மயப்­ப­டுத்தல், உயர் பெறு­ம­தி­யு­டைய துறை­களை அபி­வி­ருத்­தி­செய்தல் ஆகி­ய­வற்றை மையப்­ப­டுத்­தி­ய­தா­கவே அமைந்­தி­ருக்­கின்­றது. அது தொழிற்­ப­யிற்சி மற்றும் தொழிற்­துறைக் கேள்­விக்கு ஏற்­ற­வா­றான கல்­வித்­திட்டம் என்­ப­னவற்­றையும் உள்­ள­டக்­கி­யி­ருக்கும்.

கேள்வி: வேலை­வாய்ப்பு மேம்­பாடு மற்றும் தொழில்­நுட்ப - நடை­முறை திறன்­களை உள்­ள­டக்­கிய நவீ­ன­ம­யப்­ப­டுத்­தப்­பட்ட கல்­வித்­திட்­டத்தைக் கட்­டி­யெ­ழுப்­பு­வ­தற்­கான உங்கள் திட்டம் என்ன?

பதில்: துரி­த­மாக மாற்­றம்­கண்­டு­வரும் உலகின் நோக்­கங்­களைப் பூர்த்­தி­செய்­வ­தற்கு எமது நாட்டில் நடை­மு­றையில் உள்ள பாட­சாலை கட்­ட­மைப்பு முறைமை பொருத்­த­மா­ன­தன்று. நவீன வேலைச்­சூ­ழலில் ஏற்­ப­டக்­கூ­டிய சவால்­க­ளுக்கு திறம்­பட முகங்­கொ­டுக்­கக்­கூ­டி­ய­வ­கையில் மாண­வர்­களைத் தயார்ப்­ப­டுத்­து­வ­தற்கு ஏது­வாக எமது கல்வி செயன்­மு­றையை நவீ­ன­ம­யப்­ப­டுத்­து­வ­தற்கு நான் உத்­தே­சித்­தி­ருக்­கிறேன். ஆகை­யி­னா­லேயே எனது செயற்­திட்­டங்­களின் ஓரங்­க­மாக பாட­சாலை உட்­கட்­ட­மைப்பை நவீ­ன­ம­யப்­ப­டுத்­து­வதற்கும், நவீன தொழில்­நுட்ப யுகத்­துக்கு ஏற்­ற­வாறு பாட­வி­தா­னத்தை மாற்­றி­ய­மைப்­ப­தற்கும் நட­வ­டிக்­கைகள் முன்­னெ­டுக்­கப்­ப­ட­வுள்­ளன. பாட­சாலை கல்­வித்­திட்­டத்தில் நவீன தொழில்­நுட்­பத்­தையும், நடை­மு­றைத்­தி­றன்­க­ளையும் உட்­பு­குத்­து­வ­திலும், டிஜிட்டல் தொழில்­நுட்ப அறிவை மேம்­ப­டுத்­து­வ­திலும் நான் விசேட கவனம் செலுத்­துவேன். அதே­போன்று அக்­கல்­வித்­திட்­டத்தை முன்­கொண்­டு­செல்­வ­தற்கு அவ­சி­ய­மான நிதி­யு­த­வி­க­ளையும், ஆசி­ரி­யர்­க­ளுக்­கான பயிற்­சி­க­ளையும் வழங்­கு­வ­தற்கு நட­வ­டிக்கை எடுக்­கப்­படும். இவை­ய­னைத்­தையும் 2025ஆம் ஆண்டு அமுல்­ப­டுத்­து­வ­தற்கு நான் எதிர்­பார்த்­தி­ருக்­கிறேன். இது வேலை­வாய்ப்பை விரி­வு­ப­டுத்­து­வ­தற்கும், எமது இளைஞர், யுவ­திகள் எதிர்­கா­லத்­துக்கு ஏற்­ற­வாறு தயா­ராக இருப்­பதை உறு­திப்­ப­டுத்­து­வ­தற்கும் உதவும்.

பாட­சாலைக் கல்­வித்­திட்­ட­மா­னது இலகு திறன்கள், வாழ்க்­கைத்­தி­றன்கள் மற்றும் அவ­சி­ய­மான ஒழுக்­கக்­கோட்­பா­டு­களை உள்­வாங்­கக்­கூ­டி­ய­வ­கையில் திருத்­தி­ய­மைக்­கப்­படும். அத்­தோடு மாண­வர்கள் அவர்­க­ளது பல்­க­லைக்­க­ழ­கக்­கல்­வியை 17 வயதில் தொடங்­கக்­கூ­டி­ய­வாறு பரீட்­சைகள் மற்றும் பெறு­பேறு வெளி­யீடுகள் முறை­மையும் மாற்­றி­ய­மைக்­கப்­படும்.

பாட­சாலை மாண­வர்­க­ளுக்கு ஆங்­கி­லக்­கல்­வியைப் போதிக்­கக்­கூ­டிய 'அனை­வ­ருக்கும் ஆங்­கிலம்' என்ற செயற்றிட்டம் அடுத்த தசாப்­தத்­துக்குள் நடை­மு­றைப்­ப­டுத்­தப்­படும். நாட­ளா­விய ரீதியில் ஆங்­கில ஆசி­ரி­யர்­க­ளுக்­கான இடை­வெ­ளியை நிரப்­பு­வ­தற்­கான குறுங்­கா­லத்­திட்­ட­மாக 2500 ஆங்­கில ஆசி­ரி­யர்­களைப் பணிக்­க­மர்த்­து­வ­தற்கு உத்­தே­சிக்­கப்­பட்­டுள்­ளது. ஓய்­வு­பெற்ற ஆசி­ரி­யர்கள் 1000 பேர், பயற்­சிக்­கல்­லூ­ரி­களிலிருந்து 400 பேர், பட்­ட­தா­ரிகள் 1100 பேர் என்ற ரீதியில் போட்­டிப்­ப­ரீட்­சையின் ஊடாக இந்த 2500 ஆசி­ரி­யர்கள் தெரி­வு­செய்­யப்­ப­டு­வார்கள். அதில் தெரி­வு­செய்­யப்­படும் பட்­ட­தா­ரி­க­ளுக்கு, அவர்கள் பணிக்­க­மர்த்­தப்­ப­டு­வ­தற்கு முன்­ப­தாக 3 மாதங்கள் பயிற்சி அளிக்­கப்­படும்.

அடுத்­த­தாக பாட­சாலைப் பாடப்­புத்­த­கங்­களின் உள்­ள­டக்­கங்கள் பாட­வி­தா­னத்­துக்குப் பொருத்­த­மான சுவா­ரஸ்­ய­மான விட­யங்­களை உள்­வாங்­கக்­கூ­டி­ய­வ­கையில் மாற்­றி­ய­மைக்­கப்­படும்.

மாண­வர்­களின் ஆளுமை மற்றும் நடத்­தையை மேம்­ப­டுத்­து­வ­துடன் அவர்கள் மத்­தியில் புதிய விட­யங்கள் தொடர்­பான அறிவு, திறன்கள், புத்­தாக்க சிந்­தனை மற்றும் தன்­னம்­பிக்கை ஆகி­ய­வற்றை வளர்த்­தெ­டுப்­பதே கல்­வியின் பிர­தான நோக்­க­மாக இருக்கும்.  

கேள்வி: கர்ப்­பி­ணித்­தாய்மார் மற்றும் குழந்­தை­களின் ஊட்­டச்­சத்தை மேம்­ப­டுத்­து­வ­தற்கு நீங்கள் முன்­னெ­டுக்­க­வுள்ள நட­வ­டிக்­கைகள் எவை? குழந்­தைகள் மத்­தியில் அதி­க­ரித்­தி­ருக்கும் மந்­த­போ­சணை மற்றும் வளர்ச்சி குன்றல் ஆகி­ய­வற்றை சீர்­செய்­வ­தற்கு எத்­த­கைய திட்­டங்­களை வைத்­தி­ருக்­கி­றீர்கள்?

பதில் சிறு­வர்­களே எமது நாட்டின் எதிர்­காலம். சிறு­வர்­க­ளுக்குப் பொருத்­த­மான ஆரோக்­கி­ய­மான சூழலை உறு­திப்­ப­டுத்­து­வ­தற்கு எம்மால் இயன்ற சகல நட­வ­டிக்­கை­க­ளையும் முன்­னெ­டுக்­க­வேண்டும் என்­பதே அதன் அர்த்­த­மாகும். அதற்­க­மைய கர்ப்­பி­ணித்­தாய்­மா­ரி­னதும், சிறு­வர்­க­ளி­னதும் சுகா­தார நலனை உறு­திப்­ப­டுத்­து­வ­தற்­கான அர்ப்­ப­ணிப்­பு­டன்­கூ­டிய கடப்­பாட்டை நான் கொண்­டி­ருக்­கிறேன். என்­னு­டைய திட்­டங்­களின் ஓரங்­க­மாக கர்ப்­பி­ணித்­தாய்மார், பிறந்த குழந்­தைகள் மற்றும் சிறு­வர்­களின் போச­ணைத்­தே­வைக்கு முன்­னு­ரிமை அளிக்­கப்­பட்­டுள்­ளது. உண­வுப்­பொ­ருட்­களின் விலைகள் உயர்­வ­டைந்­தி­ருக்­கின்­றன என்­பதை நான­றிவேன். எனவே நலி­வ­டைந்த நிலையில் இருக்கும் குடும்­பங்­களின் நிதிசார் சுமையைக் குறைக்கும் வகையில் அவர்­க­ளுக்கு அவ­சி­ய­மான உணவு மற்றும் போசணை பதார்த்­தங்­களை வழங்­கு­வ­தற்கு நான் நட­வ­டிக்கை எடுப்பேன். குறிப்­பாக எமது சிறு­வர்­களின் உடல் மற்றும் மூளை வளர்ச்­சியில் ஏற்­ப­டக்­கூ­டிய தாக்கம் உள்­ள­டங்­க­லாக அதி­க­ரித்­து­வரும் மந்­த­போ­சணை நிலை­யினால் எமது நாட்டின் எதிர்­காலம் மீது ஏற்­ப­டக்­கூ­டிய பார­தூ­ர­மான தாக்­கத்தை நான் உணர்ந்­தி­ருக்­கிறேன். அதனை உரி­ய­வாறு எதிர்­கொள்­வ­தற்கு,

1. இலக்­கி­டப்­பட்ட செயற்­திட்­டங்கள் ஊடாக தாய்­மா­ருக்கும், சிறு­வர்­க­ளுக்கும் அவ­சி­ய­மான போசணை மிகுந்த உண­வு­களை வழங்க நட­வ­டிக்கை எடுப்பேன்.

2. போச­ணைப்­ப­தார்த்­தங்கள் மற்றும் உரிய வழி­காட்­டல்கள் உள்­ள­டங்­க­லாக கர்ப்­பி­ணித்­தாய்­மா­ருக்கு அவ­சி­ய­மான ஒத்­து­ழைப்­புக்கள் கிடைக்­கப்­பெ­று­வதை உறு­திப்­ப­டுத்­து­வ­துடன், எமது நாட்டின் சுகா­தார சேவை வழங்­கலை வலுப்­ப­டுத்­துவேன்.

3. மந்­த­போ­ச­ணை­யையும், அதனால் சிறு­வர்கள் மத்­தியில் ஏற்­ப­டக்­கூ­டிய தாக்­கங்­க­ளையும் இழி­வ­ள­வாக்­கு­வ­தற்கு நட­வ­டிக்கை எடுப்பேன்.

கேள்வி: விவ­சா­யத்தை இலா­ப­க­ர­மான மற்றும் நிலை­பே­றான துறை­யாக மாற்ற உங்கள் திட்­டங்கள் என்ன? தேயிலை, இறப்பர், தென்னை, கறுவா, மிளவு, வெற்­றிலை உள்­ளிட்ட ஏற்­று­மதிப் பயிர்ச்­செய்­கையை ஊக்­கு­விப்­ப­தற்கு எவ்­வா­றான நட­வ­டிக்­கை­களை எடுப்­பீர்கள்?

பதில்: எமது நாட்டின் பொரு­ளா­தா­ரத்தில் விவ­சா­யத்­துறை மிக­முக்­கிய வகி­பா­கத்தைக் கொண்­டி­ருப்­ப­துடன், அதனை உல­க­ளா­விய சந்­தைக்கு விநி­யோ­கிப்­பதில் முக்­கிய பங்கு வகிப்­ப­தற்­கான வாய்ப்பும் எமக்கு இருக்­கின்­றது. விவ­சாய ஏற்­று­ம­தி­களின் அளவை அதி­க­ரிப்­பதன் மூலம் விவ­சா­யி­க­ளுக்­கான வரு­மா­னத்தின் அளவு உயர்­வ­டை­வ­துடன் மாத்­தி­ர­மன்றி, இலங்­கையின் விவ­சா­யத்­து­றையில் உயர் ஊதியம் வழங்கும் தொழில்­வாய்ப்­புக்கள் உரு­வா­வ­தற்கும் வழி­வ­குக்கும்.

அதற்­க­மைய எனது நிர்­வா­கத்தில் அனைத்து விவ­சா­யி­க­ளுக்கும் பயிர்ச்­செய்கை நட­வ­டிக்­கை­க­ளுக்கு அவ­சி­ய­மான உரம் உள்­ளிட்ட சகல பொருட்­களும் கிடைக்­கப்­பெ­று­வதை உறு­தி­செய்வேன். அவ்­வாறு உரத்­தையும், ஏனைய விவ­சாய உப­யோ­கப்­பொ­ருட்­க­ளையும் கொள்­வ­னவு செய்­வ­தற்­கா­கவே விவ­சா­யி­க­ளுக்கு நேர­டி­யாக 25,000 ரூபாவை வழங்­க­வி­ருக்­கின்றேன். அதே­போன்று ஒவ்­வொரு போகங்­க­ளுக்கும் நெல்­லுக்­கான நிலை­யான விற்­பனை விலை அறி­விக்­கப்­படும்.

மேலும் நவீன விவ­சாய செயன்­மு­றைக்கு அவ­சி­ய­மான விதைகள், உரம் மற்றும் நவீன உப­க­ர­ணங்கள் என்­பன விவ­சா­யி­க­ளுக்கு வழங்­கப்­படும். விவ­சாய உற்­பத்­தி­களை விவ­சா­யி­க­ளி­ட­மி­ருந்து நேர­டி­யாகக் கொள்­வ­னவு செய்­யத்­தக்­க­வா­றான விநி­யோ­கச்­சங்­கிலி முறைமை உரு­வாக்­கப்­படும். கிரா­மிய விவ­சா­யத்­து­றையை மேம்­ப­டுத்­து­வ­தற்கு ஏது­வான நாட­ளா­விய ரீதி­யி­லான களஞ்­சி­யப்­ப­டுத்தல் முறை­மையும் அறி­மு­கப்­ப­டுத்­தப்­படும்.

அது­மாத்­தி­ர­மன்றி ஏற்­று­ம­தியை இலக்­கா­கக்­­கொண்ட பயிர்ச்­செய்­கைக்­காக பயன்­படுத்­தப்படாத அரசுக்குச் சொந்தமான நிலத்தி­லிருந்து 300,000 ஏக்கர் காணி ஒதுக்கப்படும்.

கேள்வி: பெண்கள் மற்றும் சிறுவர்களுக்கு எதிரான வன்புணர்வு மற்றும் ஒடுக்கு­முறைத்­தாக்குதல்களைத் தடுப்பதற்கு உங்கள் நிர்­வாகம் முன்னெடுக்கவுள்ள நடவடிக்கைகள் என்ன? பாதிக்கப்பட்டோருக்கான நீதி மற்றும் குற்றவாளிகளுக்கான பொறுப்புக்கூறல் என்ப­னவற்றை எவ்வாறு உறுதிசெய்வீர்கள்?

பதில்: என்னுடைய நிர்வாகத்தில் பெண்கள் மற்றும் சிறுவர்களின் பாதுகாப்பும், கௌரவமும் எவ்­வகையிலும் புறந்தள்ளப்படாது. அதே­­­வேளை அவர்களுக்கு எதிரான வன்­புணர்வு மற்றும் ஒடுக்குமுறைகளைத் தடுப்ப­­தற்கு, அத்தகைய குற்றங்களுக்கான தண்டனை வழங்கல் செயன்முறையை விரைவு­­படுத்தக் கூடியவகையில் சட்டங்­களை­­யும், அவற்றின் அமுலாக்க நடை­முறை­­யை­யும் வலுப்படுத்துவேன். குற்ற­­வாளி­­களுக்கான தண்டனைகளை மேலும் இறுக்க­மாக்குவதற்கும், நீதி நிலை­­நாட்டப்படுவதை உறுதிப்படுத்து­வதற்­கும் நடவடிக்கை எடுப்­பேன்.  அத­்தோடு பாதிக்கப்பட்ட தரப்பினர் அதி­லிருந்து மீட்சி­யடை­வதற்கும், நீதியைப் பெற்றுக்­கொள்வதற்கும் அவசியமான சட்ட உதவிகள் மற்றும் உளவியல் ஆலோசனைகள் உள்ளிட்ட சேவைகளை வழங்குவதற்கு ஆவன­ செய்வேன்.