தவறவிடாதீர்கள்..!உடனே பதிவு செய்யுங்கள்

கொழும்பு - காலி வீதியில் பெந்தோட்டை ரயில் மார்க்கத்தில் ரயிலில் மோதி வயோதிபர் ஒருவர் உயிரிழந்துள்ளதாக பெந்தோட்டை பொலிஸார் தெரிவித்தனர்.

இந்த விபத்து இன்று திங்கட்கிழமை (16) பிற்பகல் இடம்பெற்றுள்ளது. 

படபொல பிரதேசத்தைச் சேர்ந்த 68 வயதுடைய வயோதிபர் ஒருவரே உயிரிழந்துள்ளார்.

இவர் ரயில் தண்டவாளத்தில் நடந்து சென்றுகொண்டிருந்தபோது பெலியத்தையிலிருந்து கொழும்பு நோக்கிப் பயணித்த ரயிலில் மோதி காயமடைந்துள்ள நிலையில் பெந்தோட்டை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

உயிரிழந்தவரது சடலம் பெந்தோட்டை வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை பெந்தோட்டை பொலிஸார் மேற்கொண்டு வருகின்றனர்.