தவறவிடாதீர்கள்..!உடனே பதிவு செய்யுங்கள்

கொழும்பு - கட்டுநாயக்க அதிவேக வீதியில் நிலத்தடி மின் கம்பிகளை துண்டித்த சந்தேக நபர் ஒருவர் கைது செய்யப்பட்டுள்ளார்.

களனி வனவாசல பிரதேசத்தைச் சேர்ந்த 31 வயதுடைய நபரே கைது செய்யப்பட்டுள்ளார்.

அதிவேக வீதியில் இரவுநேர சுற்றிவளைப்பு நடவடிக்கையில் ஈடுபட்டிருந்த பொலிஸ் சுற்றுலா பிரிவினால் சந்தேக நபர் கைது செய்யப்பட்டுள்ளார்.

கைது செய்யப்பட்ட சந்தேக நபரிடம் இருந்து 14 அடி நீளமுள்ள 02 மின் கம்பிகள் மற்றும் மின் கம்பிகளை துண்டிப்பதற்கு பயன்படுத்தப்படும் உபகரணங்கள் என்பன கைப்பற்றப்பட்டுள்ளதாக  பொலிஸார் தெரிவித்துள்ளனர்.

இதனையடுத்து, சந்தேக நபர் மேலதிக விசாரணைகளுக்காக வத்தளை பொலிஸாரிடம் ஒப்படைக்கப்பட்டுள்ளதாக பொலிஸார் தெரிவித்துள்ளனர்.

இது தொடர்பான மேலதிக விசாரணைகளை வத்தளை பொலிஸார் மேற்கொண்டு வருவதாக தெரிவித்துள்ளனர்.