தவறவிடாதீர்கள்..!உடனே பதிவு செய்யுங்கள்

முள்ளியவளை பொலிஸ் பிரிவுக்குட்பட்ட கோப்பாபிலவு பகுதியில் சட்டவிரோத மதுபானத்துடன் இருவர் நேற்று சனிக்கிழமை (14) பொலிஸாரால் கைது செய்யப்பட்டுள்ளனர்.

முல்லைத்தீவு குற்றப் புலனாய்வுப் பிரிவின் அதிகாரிகளுக்கு கிடைத்த இரகசியத் தகவலின் பேரில் மேற்கொண்ட சுற்றிவளைப்பின் போது இவர்கள் கைது செய்யப்பட்டுள்ளனர்.

சந்தேக நபர்கள் முள்ளியவளை பிரதேசத்தை சேர்ந்த 26 மற்றும் 32 வயதுடையவர்கள் ஆவர்.

இவர்களிடமிருந்து 200 லீற்றர் மதுபானம், 1604 லீற்றர் மதுபானம் வடிப்பதற்கு பயன்படுத்தப்படும் கோடா மற்றும் 08 செப்புச் சுருள்கள் என்பன பொலிஸாரால் கைப்பற்றப்பட்டன.

இதேவேளை, கைது செய்யப்பட்ட நபர்கள் மேலதிக விசாரணைகளுக்காக முள்ளியவளை பொலிஸ் நிலையத்தில் ஒப்படைக்கப்பட்டுள்ளனர்.

இது தொடர்பாக மேலதிக விசாரணைகளில் முள்ளியவளை பொலிஸார் ஈடுபட்டு வருகின்றனர்.