தவறவிடாதீர்கள்..!உடனே பதிவு செய்யுங்கள்

2024ஆம் ஆண்டு ஜனாதிபதி தேர்தலில் இனவாத பிரச்சினையும் இல்லை. மதவாத பிரச்சினையும் இல்லை. இருப்பினும் வடக்கு மக்களின் பிரச்சினைகள் பலவற்றை கருத்தில் கொண்டு கலந்துரையாடல்களை முன்னெடுத்துள்ளோம். குறிப்பாக அரசியலமைப்பின் 13 ஆவது திருத்தச்சட்ட அமுலாக்கம் குறித்தும் கவனம் செலுத்தியுள்ளோம். நாட்டின் அபிவிருத்தி பயணத்தில் 9 மாகாணங்களுக்கும் முக்கிய பங்கு உள்ளது. எனவே தான் அரசியல் பிரச்சினை உள்ளிட்ட வடக்கு, கிழக்கை மையப்படுத்திய விசேட பிரச்சினைகள் குறித்து கவனம் செலுத்தியுள்ளோம். அது மாத்திரமன்றி உண்மை மற்றும் நல்லிணக்க ஆணைக்குழு ஊடாக பல்வேறு நடவடிக்கைகள் முன்னெடுக்கப்படவுள்ளன. ஒரு சிறிய தாமத நிலை இருக்கலாம், ஆனால் நிச்சயமாக அந்த பிரச்சினைகள் தீர்க்கப்படும்.