தவறவிடாதீர்கள்..!உடனே பதிவு செய்யுங்கள்

நடிகர் கௌதம் கார்த்திக் இயக்கத்தில் தயாராகும் புதிய படத்தினை பற்றிய அதிகாரப்பூர்வமான அறிவிப்பு வெளியிடப்பட்டிருக்கிறது.

அறிமுக இயக்குநர் தினா ராகவன் இயக்கத்தில் உருவாகும் பெயரிடப்படாத திரைப்படத்தில் கௌதம் கார்த்திக் கதையின் நாயகனாக நடிக்கிறார்.

 இந்த திரைப்படத்திற்கு எழுத்தாளரும், பிரபல இயக்குநருமான ராஜூ முருகன் உரையாடல் எழுதுகிறார்.

 இந்த திரைப்படத்தினை எம் ஜி ஸ்டுடியோஸ் எனும் நிறுவனம் சார்பில் தயாரிப்பாளர் ஏ.வி.பி மாறன் மற்றும் இயக்குநர் கணேஷ் கே.பாபு ஆகியோர் இணைந்து தயாரிக்கிறார்கள்.

 இந்த திரைப்படத்தில் நடிக்கும் ஏனைய நடிகர்கள், நடிகைகள் மற்றும் தொழில்நுட்ப கலைஞர்கள் பற்றிய விபரங்கள் விரைவில் அதிகாரப்பூர்வமாக வெளியிடப்படும் என எதிர்பார்க்கப்படுகிறது.

'மிஸ்டர் எக்ஸ்', 'கிரிமினல்' என இரண்டு படங்களில் நடித்து வரும் நடிகர் கௌதம்  கார்த்திக்கின் பிறந்த நாளை முன்னிட்டு அவர் நடிக்கும் புதிய படத்தின் அறிவிப்பு வெளியிடப்பட்டிருக்கிறது.

படத்தைப் பற்றி இயக்குநர் பேசுகையில், '' சென்னையின் தகவல் தொழில்நுட்ப அலுவலகங்களின் கோட்டை என போற்றப்படும் தரமணி பகுதியின் நிலவியல் பின்னணியில் உள்ளூர் அரசியலை முன்னிலைப்படுத்தி , உண்மைக்கு அணுக்கமாகவும் அழுத்தமான சம்பவங்களாலும் அரசியல் நையாண்டிகளுடன் இப்படத்தின் கதை உருவாக்கப்பட்டிருக்கிறது.

 இந்த திரைப்படத்தில் கௌதம் கார்த்திக் அரசியலில் ஆர்வமுள்ள இளைஞனாக நடித்திருக்கிறார்'' என்றார்.‌