தவறவிடாதீர்கள்..!உடனே பதிவு செய்யுங்கள்

ஹொரணை ஹொரகெட்டிய பிரதேசத்தில் 05 கிலோ 620 கிராம் அம்பர் (திமிங்கலத்தின் வாந்தி) தொகையுடன் சந்தேக நபரொருவர் கைது செய்யப்பட்டுள்ளதாக மேல் மாகாணத்தின் தெற்கு பொலிஸ் குற்றத் தடுப்பு பிரிவினர் தெரிவித்தனர்.

சந்தேக நபர் இந்த அம்பர் தொகையை ஒரு கிலோ தலா 50 இலட்சம் ரூபாவுக்கு விற்பனை செய்யவுள்ளதாக மேல் மாகாணத்தின் தெற்கு பொலிஸ் குற்றத் தடுப்பு பிரிவினருக்குத் தகவல் கிடைத்துள்ளது.

இதனையடுத்து, பொலிஸ் அதிகாரிகள் சிலர் இணைந்து இந்த அம்பர் தொகையைக் கொள்வனவு செய்யும் போர்வையில் ஹொரணை ஹொரகெட்டிய பிரதேசத்திற்குச் சென்று சந்தேக நபரை கைது செய்துள்ளனர்.

அகலவத்தை பிரதேசத்தைச் சேர்ந்த 46 வயதுடைய நபரொருவரே கைது செய்யப்பட்டுள்ளார்.

கைப்பற்றப்பட்ட அம்பர் தொகையின் மொத்த பெறுமதி 03 கோடி ரூபா ஆகும்.

இந்த அம்பர் தொகையானது திருகோணமலை பிரதேசத்தில் உள்ள நபரொருவரிடமிருந்து கிடைத்துள்ளதாக சந்தேக நபரிடம் மேற்கொள்ளப்பட்ட விசாரணையில் இருந்து தெரியவந்துள்ளது.

கைது செய்யப்பட்ட சந்தேக நபர் ஹொரணை நீதவான் நீதிமன்றில் ஆஜர்படுத்தப்படவுள்ளதாக மேல் மாகாணத்தின் தெற்கு பொலிஸ் குற்றத் தடுப்பு பிரிவினர் மேலும் தெரிவித்தனர்.