தவறவிடாதீர்கள்..!உடனே பதிவு செய்யுங்கள்

மனித உரிமை மீறல்கள் ,ஊழல் குற்றச்சாட்டுகள் சுமத்தப்பட்ட பெருவின் முன்னாள் ஜனாதிபதி அல்பேர்ட்டோ பியுஜிமோரி (86) காலமானார்

1990 முதல் 2000 ம் ஆண்டுவரை பெருவின் ஜனாதிபதியாக பதவி வகித்த பியுஜிமோரி ஊழல் குற்றச்சாட்டுகள் காரணமாக பதவியை இராஜினாமா செய்தார்.

ஜனாதிபதியாக பதவி வகித்த காலத்தில் இடது சாரி கெரில்லாக்களிற்கு எதிராக கடுமையான நிலைப்பாட்டை எடுத்திருந்த  பியுஜிமோரிக்கு எதிராக மனித உரிமை மீறல் குற்றச்சாட்டுகள் சுமத்தப்பட்டன.

நாட்டிலிருந்து தப்பியோடிய பியுஜிமோரி பின்னர் கைதுசெய்யப்பட்டு நாடு கடத்தப்பட்டார்  அதன் பின்னர் சிறைதண்டனையை அனுபவித்தார்

25 வருட சிறைத்தண்டனை விதிக்கப்பட்டிருந்த நிலையில் 15 வருட சிறைவாழ்க்கையின் பின்னர் பியுஜிமோரி கடந்த வருடம் விடுதலைசெய்யப்பட்டார்.

புற்றுநோய் காரணமாக அவர் உயிரிழந்தார் என அவரது மகள் சமூக ஊடகங்களில் பதிவிட்டுள்ளார்.