தவறவிடாதீர்கள்..!உடனே பதிவு செய்யுங்கள்

இலங்கை வர்த்தக சம்மேளனத்தின் இலங்கை - ஜப்பான் வர்த்தக சபையின் 45வது வருடாந்த பொதுக் கூட்டத்தின் போது இலங்கைக்கான ஜப்பான் தூதுவர் MIZUKOSHI Hideaki இலங்கை வர்த்தக சம்மேளனத்தின் இலங்கை ஜப்பான் வர்த்தக சபைக்கு (SLJBC) தனது பாராட்டைத் தெரிவித்திருந்தார். 

இலங்கை வர்த்தக சம்மேளனத்தின் இலங்கை- ஜப்பான் வர்த்தக சபையானது கடந்த 45 வருடங்களாக ஜப்பானுக்கும் இலங்கைக்கும் இடையிலான பொருளாதார பங்காளித்துவத்தை ஊக்குவிப்பதற்கும் வலுப்படுத்துவதற்கும் ஓர் அடித்தளமாக உள்ளது.

இலங்கை வர்த்தக சம்மேளனத்தின் இலங்கை - ஜப்பான் வர்த்தக சபையானது 1979 ஆம் ஆண்டில் நிறுவப்பட்டது.

இதன்மூலம், இலங்கை மற்றும் ஜப்பானுக்கு இடையிலான வர்த்தகம், சுற்றுலா , பொருளாதாரம் , நட்புறவு மற்றும் முதலீடு என்பன மேம்படுத்தப்பட்டது.

COVID-19 தொற்று மற்றும் இலங்கையின் பொருளாதார நெருக்கடிகளின் போது இலங்கை வர்த்தக சம்மேளனத்தின் இலங்கை -  ஜப்பான் வர்த்தக சபையின் பங்களிப்பு மிகவும் பக்கபலமாக இருந்தது.

இலங்கையின் பொருளாதாரத்தை மேம்படுத்துவதற்கு இலங்கை வர்த்தக சம்மேளனத்தின் இலங்கை - ஜப்பான் வர்த்தக சபை மூலம் இலங்கைக்கும் ஜப்பானுக்கும் இடையிலான நட்புறவு மேலும் வளர்க்கப்படுகிறது.