தவறவிடாதீர்கள்..!உடனே பதிவு செய்யுங்கள்

நடிகர் ஜூனியர் என்டிஆர் நடிப்பில் தயாராகி இம்மாதம் 27 ஆம் திகதியன்று உலகம் முழுவதும் தமிழ், தெலுங்கு, மலையாளம், கன்னடம், இந்தி ஆகிய இந்திய மொழிகளில் பட மாளிகைகளில் வெளியாகவிருக்கும் 'தேவரா -பார்ட் 1' எனும் திரைப்படத்தின் முன்னோட்டம் வெளியிடப்பட்டிருக்கிறது.

பிரம்மாண்டமான எக்சன் என்டர்டெய்னராக தயாராகி இருக்கும் இந்த திரைப்படத்தின் முன்னோட்டம் வெளியான குறுகிய கால அவகாசத்திற்குள் இருபத்தைந்து மில்லியனுக்கும் மேற்பட்ட மக்களால் பார்வையிடப்பட்டு சாதனை படைத்து வருகிறது.

இயக்குநர் கொரட்டலா சிவா இயக்கத்தில் உருவாகி இருக்கும் 'தேவரா - பார்ட் 1' எனும் திரைப்படத்தில் ஜூனியர் என்டிஆர், சையீப் அலி கான், ஜானவி கபூர், பிரகாஷ் ராஜ், ஸ்ரீகாந்த், ஷேன் டாம் சாக்கோ, நரேன், கலையரசன், முரளி சர்மா, அஜய், அபிமன்யு சிங் உள்ளிட்ட பலர் நடித்திருக்கிறார்கள்.

ரத்ன வேலு ஒளிப்பதிவு செய்திருக்கும் இந்த திரைப்படத்திற்கு அனிருத் ரவிச்சந்தர் இசையமைத்திருக்கிறார். ஜூனியர் என்டிஆர் இரட்டை வேடங்களில் நடித்து பிரம்மாண்டமான எக்சன் என்டர்டெய்னராக தயாராகி இருக்கும் இந்த திரைப்படத்தை யுவ சுதா ஆர்ட்ஸ் மற்றும் என் டி ஆர் ஆர்ட்ஸ் ஆகிய பட நிறுவனங்கள் இணைந்து இந்திய மதிப்பில் 300 கோடி ரூபாய் பட்ஜட்டில் தயாரித்திருக்கிறது.‌

இந்த திரைப்படத்தின் முன்னோட்டம் வெளியிடப்பட்டிருக்கிறது. முன்னோட்டத்தில் பிரம்மாண்டமான காட்சி அமைப்புகளும் அதிலும் குறிப்பாக கதையின் நாயகனான தேவரா சாகசம் மிகுந்த கடற்கொள்ளையராக தோன்றுவதும், எக்சன் காட்சிகளும், உணர்வுபூர்வமான கொமர்ஷல் அம்சங்களும் இடம் பிடித்திருப்பதால் ரசிகர்களை வெகுவாக கவர்ந்திருக்கிறது.