தவறவிடாதீர்கள்..!உடனே பதிவு செய்யுங்கள்

நுவரெலியா மாவட்டத்தின் பெருந்தோட்டப்பகுதிகளை அண்மித்து புதிய மதுபானசாலைகளை திறக்கும் முயற்சிகள் ஆரம்பிக்கப்பட்டுள்ளன. டயகம, என்பீல்ட், குயில்வத்தை, சென்கிளயர் ஆகிய பிரதேசங்களில் புதிய மதுபானசாலைகளை திறப்பதற்கான முயற்சிகள் கடந்த வருட இறுதியில் மேற்கொள்ளப்பட்டதாயினும் பிரதேச மக்களின் எதிர்ப்பால் அது கைவிடப்பட்டிருந்தது. ஆனால் இப்போது தேர்தல் நெருங்கம் தறுவாயில் குறித்த பிரதேச ங்களில் மதுபானசாலைகள் திறக்கப்படுவதற்கான ஆயத்தங்கள் மேற்கொள்ளப்பட்டு வருகின்றன. அரசாங்கத்தால் புதிதாக விநியோகிக்கப்பட்ட மதுபான அனுமதி பத்திரங்களைப் பெற்ற பிரதேச அரசியல்வாதிகள் அவற்றை கோடிக்கணக்கில் தனி நபர்களுக்கும் ஏற்கனவே இந்த வியாபாரத்தை முன்னெடுப்பவர்களுக்கும் விற்பனை செய்துள்ளதாகவும் தகவல்கள் வர ஆரம்பித்துள்ளன.