தவறவிடாதீர்கள்..!உடனே பதிவு செய்யுங்கள்

ஐ.பி.எல். 10 ஆவது தொடரின் 22 ஆவது போட்டி இந்­தூரில் நேற்று இரவு நடை­பெற்­றது. இந்தப் போட்­டியில் மெக்ஸ்வெல் தலை­மை­யி­லான பஞ்சாப் அணியும் ரோஹித் ஷர்மா தலை­மை­யி­லான மும்பை அணியும் மோதின.

இந்தப் போட்­டியில் நாணயச் சுழற்­சியில் வெற்­றி­பெற்ற மும்பை அணி, பஞ்­சாபை முதலில் துடுப்­பெ­டுத்­தா­டும்­படி பணித்­தது. 

இதைத் தொடர்ந்து முதல் இன்­னிங்ஸை தொடங்­கிய பஞ்சாப், ஆரம்பம் முதலே அதி­ரடி காட்­டி­யது. இந்த ஐ.பி.எல். தொடரில் இது­வரை சோபிக்­காத தென்­னா­பி­ரிக்­காவின் அம்லா, 60 பந்­து­களில் 104 ஓட்­டங்­களைக் குவிக்க பஞ்சாப் அணி, முதல் இன்­னிங்ஸில் அதிக ஓட்ட எண்­ணிக்­கையைப் பெற வித்­திட்டார்.

பின்னர் கள­மி­றங்­கிய மெக்ஸ்வெல், 18 பந்­து­களில் 40 ஓட்­டங்­களைக் குவித்தார். இதனால் பஞ்சாப் அணி, 20 ஓவர்கள் முடிவில் 4 விக்­கெட்­டுக்­களை இழந்து 198 ஓட்­டங்­களைப் பெற்­றது. 

199 ஓட்­டங்கள் எடுத்தால் வெற்றி என்ற கடி­ன­மான இலக்­குடன் ஆட்டத்தை ஆரம்பித்தது மும்பை. 

அந்த அணியின் முதல் மூன்று துடுப்­பாட்ட வீரர்­க­ளான பார்த்திவ் படேல், ஜோஸ் பட்லர்  மற்றும் நிதிஷ் ராணா முறையே 37, 77, 62 ஓட்­டங்­களைக் குவித்­தனர்.

இதனால், 199 ஓட்­டங்கள் என்ற இமா­லய இலக்கை 2 விக்கெட்டுக்களை மாத்திரம் இழந்து 16ஆவது ஓவ­ரி­லேயே எட்டிப் பிடித்­தது மும்பை அணி.

இந்தப் போட்­டியில் வெற்­றி­ய­டைந்­ததன் மூலம், புள்ளிகள் பட்டியலில் முதல் இடத்தைப் பிடித்தது மும்பை.