தவறவிடாதீர்கள்..!உடனே பதிவு செய்யுங்கள்

தென்மராட்சியைச் சேர்ந்த செல்லையா திருச்செல்வம், 1500 கிலோகிராம் எடையுள்ள ஹை-ஏஸ் வாகனத்தை 100 மீட்டர் தூரம் தனது இரு காதுகளில் கட்டி இழுத்து சாதனை படைத்துள்ளார்.

இன்று ஞாயிற்றுக்கிழமை (25)  காலை 9.00 மணியளவில் யாழ். கொடிகாமம், நட்சத்திர மஹால் முன்றலில் ஏ9 வீதியில் இந்த சாதனை நிகழ்த்தப்பட்டது.

வாகனத்தை வெற்றிகரமாக காதுகளால் இழுத்து சாதனை புரிந்த செல்லையா திருச்செல்வம் இதன்போது கெளரவிக்கப்பட்டார்.

இதேவேளை, தமிழ்நாடு, கொழும்பு, யாழ்ப்பாணம் என முன்னர் பல தடவைகள் செல்லையா திருச்செல்வம், தனது தாடியால் பல்வேறு வாகனங்களை இழுத்து சாதனை படைத்து சோழன் உலக சாதனை புத்தகத்தில் இடம்பிடித்துள்ளார்.