தவறவிடாதீர்கள்..!உடனே பதிவு செய்யுங்கள்

தமிழக வெற்றிக் கழகத்தின் தலைவர் நடிகர் விஜய் தனது கட்சிக்கொடியை 22 ஆம் திகதி வெளியிட்டார். உடனேயே சர்ச்சைகள் வெடித்துள்ளன.  கொடியின் மேல் மற்றும் அடிப்புறம் சிவப்பு வர்ணமாகும். மத்தியில்  மஞ்சள் நிற பின்னணியில் இருபக்கமும் இரண்டு போர்  களிறு யானைகள்  எதிரெதிரே முன்னங்கால்களை தூக்கிய வண்ணம் நிற்கின்றன. யானைகள் சாம்பல் நிறத்தில் உள்ளன. இரண்டு யானைகளுக்கும் மத்தியில் வாகைப்பூ அதைச்சுற்றி 28 நட்சத்திரங்கள்.  இதே வேளை மாயாவதியின் பகுஜன் சமாஜ்வாதி கட்சியின் சின்னமும் யானை  ஆதலால் விஜய் அதை பயன்படுத்த முடியாது என பகுஜன் சமாஜ்வாதி கட்சியின் தமிழக பொறுப்பாளர் சீறி பாய்ந்துள்ளார். அதில் ஒரு யானை தான் உள்ளது எமது கட்சிக் கொடியில் இரண்டு யானைகள் அதுவும் போர் யானைகள் உள்ளன. ஆகவே இதில் வித்தியாசம் உள்ளது என விஜய் ஆதரவாளர்கள் பதில் கொடுத்துள்ளனர். இவை எல்லாவற்றையும் விட சுவாரஸ்யமான விடயம் விஜயின் கட்சி கொடியில் உள்ள சிவப்பு மஞ்சள் பின்னணி ஸ்பெயின் நாட்டின் தேசிய கொடியில் உள்ளதாம். ஆகவே விஜய் ஸ்பெயின் நாட்டின் தேசிய கொடிய அவமதித்து விட்டார் என ஒரு குழுவினர் அதுவும் தமிழ் நாட்டில் இருந்து கொண்டு எதிர்ப்பு தெரிவித்து வருகின்றனர்.