தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

இங்கிலாந்துக்கு எதிராக மென்ச்செஸ்டர், ஓல்ட் ட்ரபோர்ட் விளையாட்டரங்கில் இன்று புதன்கிழமை (21) ஆரம்பமான ஐசிசி உலக டெஸ்ட் சம்பியன்ஷிப் தொடரின் முதலாவது போட்டியில் இலங்கை அணி பெரும் தடுமாற்றம் அடைந்துள்ளது.

இப் போட்டியில் முதலில் துடுப்பெடுத்தாடத் தீர்மானித்த இலங்கை முதலாம் நாள் பகல் போசன இடைவேளையின்போது 5 விக்கெட்களை இழந்து 80 ஓட்டங்களைப் பெற்று மிகவும் இக்கட்டான நிலையில் இருக்கிறது.

திமுத் கருணார்டன (2), நிஷான் மதுஷ்க (4), ஏஞ்சலோ மெத்யூஸ் (0), குசல் மெண்டிஸ் (24), தினேஷ் சந்திமால் (17) ஆகிய ஐவரும் அநாவசியமாக ஆட்டம் இழந்தனர்.

இடைவேளையின்போது இலங்கை அணியின் கடைசி துடுப்பாட்ட வீரர்களான அணித் தலைவர் தனஞ்சய டி சில்வா (24), கமிந்து மெண்டிஸ் (5) ஆகிய இருவரும் ஆட்டம் இழக்காதிருந்தனர்.

பந்துவீச்சில் கிறிஸ் வோக்ஸ் 17 ஓட்டங்களுக்கு 2 விக்கெட்களையும் ஷொயெப் பஷிர் 7 ஓட்டங்களுக்கு ஒரு விக்கெட்டையும் மார்க் வூட் 13 ஓட்டங்களுக்கு ஒரு விக்கெட்டையும் கைப்பற்றியுள்ளனர்.