தவறவிடாதீர்கள்..!உடனே பதிவு செய்யுங்கள்

அஜித் குமார் நடிப்பில் தயாராகி வரும் விடா முயற்சி படத்தில் நடிக்கும் நடிகர்கள் கணேஷ் சரவணன் மற்றும் தாசரதி ஆகியோர்களின் கதாபாத்திர தோற்ற புகைப்படத்தை படக் குழு வெளியிட்டுள்ளது.

இயக்குநரும், நடிகரும், பின்னணி குரல் கலைஞரான மகிழ் திருமேனி இயக்கத்தில் உருவாகி வரும் 'விடா முயற்சி' எனும் திரைப்படத்தில் அஜித் குமார், அர்ஜுன், திரிஷா, ரெஜினா, ஆரவ், நிகில் நாயர், கணேஷ் சரவணன், தாசரதி உள்ளிட்ட பலர் நடித்திருக்கிறார்கள். ஓம் பிரகாஷ் ஒளிப்பதிவு செய்து வரும் இந்த திரைப்படத்திற்கு அனிருத் இசையமைக்கிறார். எக்சன் என்டர்டெய்னராக தயாராகும் இந்த திரைப்படத்தை லைக்கா புரொடக்ஷன்ஸ் நிறுவனம் சார்பில் தயாரிப்பாளர் சுபாஷ்கரன் தயாரிக்கிறார்.

ஹைதராபாத்தில் நடைபெற்று வந்த இந்த திரைப்படத்தின் படப்பிடிப்பு நிறைவு பெற்றிருக்கிறது. இன்னும் சில நாட்கள் மட்டுமே படப்பிடிப்பு மீதமிருக்கும் நிலையில் இப்படத்தில் நடித்திருக்கும் நடிகர்களின் கதாபாத்திரத்தை.. தோற்றப் புகைப்படங்களாக படக்குழுவினர் தொடர்ச்சியாக வெளியிட்டு வருகிறார்கள்.

அந்த வகையில் இந்தத் திரைப்படத்தில் முக்கிய வேடத்தில் நடித்திருக்கும் நடிகர்கள் கணேஷ் சரவணன் மற்றும் தாசரதி ஆகியோர்களின் கதாபாத்திர தோற்ற புகைப்படத்தை படக் குழுவினர் வெளியிட்டுள்ளனர்.  வழக்கம் போல் அஜித் குமாரின் பின்னணியில் இந்த இரண்டு நடிகர்களின் தோற்றமும் இடம் பிடித்திருப்பதால் ரசிகர்களை கவர்ந்திருக்கிறது.

இதனிடையே 'விடாமுயற்சி' பற்றிய அப்டேட் தொடர்ந்து வெளியிடப்பட்டு வருவதன் காரணம் குறித்து விசாரிக்கும் போது விரைவில் தளபதி விஜயின் 'கோட்' திரைப்படம் வெளியாக இருப்பதால்  'தல' அஜித்தின் படத்தைப் பற்றிய அப்டேட்டுகளை படக் குழுவினர் வெளியிட்டு வருகிறார்கள் என திரையுலக வணிகர்கள் தெரிவித்து இருக்கிறார்கள் என்பதும், இந்தப் படத்தை தயாரித்து வரும் லைக்கா புரொடக்ஷன்ஸ் நிறுவனம், சுப்பர் ஸ்டார் ரஜினிகாந்த் நடிக்கும் 'வேட்டையன்' படத்தின் வெளியீட்டு திகதியை அதிகாரப்பூர்வமாக அறிவித்துவிட்டு. அதனை ரசிகர்களிடம் பிரபலப்படுத்துவதற்காக எந்த விளம்பரங்களையும் முன்னெடுக்காமல் தொடர்ச்சியாக அஜித்குமாரின் விடாமுயற்சி படத்திற்கு கூடுதல் முக்கியத்துவம் வழங்கி வருவதன் பின்னணி விரைவில் தெரியவரும் என்றும் தெரிவித்திருக்கிறார்கள் என்பதும் குறிப்பிடத்தக்கது.