தவறவிடாதீர்கள்..!உடனே பதிவு செய்யுங்கள்

ஹங்வெல்ல பொலிஸ் பிரிவுக்கு உட்பட்ட கொழும்பு - அவிசாவளை பிரதான வீதியில் பஹத்கம பிரதேசத்தில் இடம்பெற்ற விபத்தில் வயோதிபர் ஒருவர் உயிரிழந்துள்ளதாக ஹங்வெல்ல பொலிஸார் தெரிவித்தனர்.

இந்த விபத்து நேற்று செவ்வாய்க்கிழமை  (20) இடம்பெற்றுள்ளது.

அவிசாவளையிலிருந்து ஹோமாகம நோக்கிப் பயணித்த லொறி ஒன்று வீதியில் பயணித்துக் கொண்டிருந்த வயோதிபர் ஒருவர் மீது மோதியதில் இந்த விபத்து இடம்பெற்றுள்ளது.

இந்த விபத்தின் போது, படுகாயமடைந்த வயோதிபர் பாதுக்க வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

கப்வெல, உடிஸ்பத்துவ பிரதேசத்தைச் சேர்ந்த  79 வயதுடைய வயோதிபர் ஒருவரே இவ்வாறு உயிரிழந்துள்ளார்.

இது தொடர்பில் லொறியின் சாரதியை சந்தேகத்தின் பேரில் கைது செய்த ஹங்வெல்ல பொலிஸார் மேலதிக விசாரணைகளை மேற்கொண்டு வருகின்றனர்.