அஜித்குமார் நடிக்கும் 'விடாமுயற்சி' படத்தின் அடுத்த அப்டேட்

Published By: Digital Desk 7

16 Aug, 2024 | 05:34 PM
image

அஜித் குமார் நடிப்பில் தயாராகி வரும் 'விடா முயற்சி' படத்தில் நடிக்கும் நடிகர்களின் கதாப்பாத்திரத் தோற்றத்தை புகைப்படங்களாக படக்குழுவினர் வெளியிட்டு வருகின்றனர். அந்த வகையில் தற்போது நடிகர் நிகில் நாயரின் கதாப்பாத்திர தோற்றத்தை படக்குழுவினர் வெளியிட்டிருக்கிறார்கள். 

இயக்குநரும், நடிகருமான மகிழ் திருமேனி இயக்கத்தில் உருவாகி வரும் 'விடா முயற்சி' எனும் திரைப்படத்தில் அஜித் குமார், அர்ஜுன், ஆரவ், திரிஷா, ரெஜினா கசான்றா, நிகில் நாயர் உள்ளிட்ட பலர் நடித்து வருகிறார்கள்.

ஓம் பிரகாஷ் ஒளிப்பதிவு செய்து வரும் இந்த திரைப்படத்திற்கு அனிருத் இசையமைக்கிறார். எக்சன் என்டர்டெய்னராக தயாராகும் இந்த திரைப்படத்தை லைக்கா புரொடக்ஷன்ஸ் நிறுவனம் சார்பில் பிரபல தயாரிப்பாளர் சுபாஷ்கரன் தயாரிக்கிறார்.

இப்படத்தின் படப்பிடிப்பு விரைவில் நிறைவடையும் நிலையில் இருப்பதால் படக் குழுவினர் படத்தைப் பற்றிய புதிய தகவல்களை புகைப்படத்துடன் வெளியிட்டு.வருகிறார்கள். அந்த வகையில் இந்த திரைப்படத்தில் நடித்திருக்கும் நடிகர் நிகில் நாயர் ஏற்று நடித்திருக்கும் கதாபாத்திரத்தின் தோற்ற புகைப்படத்தை படக் குழுவினர் வெளியிட்டுள்ளனர்.‌ 

இந்தப் திரைப்படத்தில் வில்லனாக நடித்திருக்கும் நிகில் நாயரின் புகைப்படத்தின் பின்னணியில் அஜித் மட்டும் இடம்பெறற்றிருப்பதும், நடிகர் நிகில் நாயர் ரக்கட் லுக்கில் தோன்றுவதும், இவரும் வில்லன்களின் கூட்டத்தில் ஒருவராக நடித்திருக்கிறார் என தெரியவருகிறது. வில்லன்கள் அதிகம் என்றால்  ஹீரோவின் எக்சன் வேலையும் அதிகம் என்பதால் அஜித்தின் ரசிகர்கள் உற்சாகமடைந்திருக்கிறார்கள். 

முக்கிய செய்திகள்

icon-left
icon-right