தவறவிடாதீர்கள்..!உடனே பதிவு செய்யுங்கள்

வத்தளை பொலிஸ் பிரிவுக்கு உட்பட்ட பகுதியில் கடந்த 11 ஆம் திகதி வீடொன்றை உடைத்து பெறுமதியான பொருட்களைத்  திருடிச் சென்ற சம்பவம் தொடர்பில் இளைஞன் ஒருவர் நேற்று (15) கைது செய்யப்பட்டுள்ளதாக வத்தளை பொலிஸார் தெரிவித்தனர்.

வத்தளை பொலிஸாருக்கு கிடைத்த தகவலின் பேரில் மேற்கொள்ளப்பட்ட விசாரணையில் சந்தேக நபர் கைது செய்யப்பட்டுள்ளார்.

வத்தளை பிரதேசத்தைச் சேர்ந்த 28 வயதுடைய இளைஞரொருவரே கைது செய்யப்பட்டுள்ளார்.

கைது செய்யப்பட்ட சந்தேக நபரிடமிருந்து, 07 கிராம் 200 மில்லி கிராம் ஐஸ் போதைப்பொருள் , திருடப்பட்டதாகக் கூறப்படும் துவிசக்கர வண்டி மற்றும் கையடக்கத் தொலைபேசி ஆகிய பொருட்கள் கைப்பற்றப்பட்டுள்ளன.

இது தொடர்பான மேலதிக விசாரணைகளை வத்தளை பொலிஸார் மேற்கொண்டு வருகின்றனர்.